საქართველოს სატელევიზიო სარეკლამო ბაზრის 0.8 % რუსული კონტენტით გაჯერებულ არხს მიაქვს

საქართველოს კომუნიკაციების ეროვნული კომისიის მონაცემებით,სარეკლამო შემოსავლების საერთო მოცულობამ 2021 წელს 79.8 მილიონი ლარი შეადგინა, 2020 წელს კი აღნიშნული მაჩვენებელი 61.4 მილიონი ლარი იყო. (პანდემიის პერიოდში)

შესაბამისად, შემოსავლები 18.4 მილიონი ლარით არის გაზრდილი.

სატელევიზიო არხების ჩამონათვალშია “რბჯ”-ი, ქართული ტელეარხი “პირველი გასართობი”,რომელიც რუსული ORT -ს გასართობ კონტენტს ქართულ ენაზე ანთავსებს ეთერში. ამ კომპანიას ქართული სატელევიზიო სარეკლამო ბაზრის 0.8 % მიაქვს.

მისი მფლობელები არიან რუსეთის მოქალაქე ოლგა მილაევა 90 % და საქართველოს მოქალაქე ირაკლი ადამია – 10 % 

2021 წელს სატელევიზიო კომერციული სარეკლამო შემოსავლების მიხედვით, ყველაზე დიდი წილი  34.3%  „ტელეიმედს“  ჰქონდა,

სარეკლამო შემოსავლები სატელევიზიო არხების მიხედვით:

1. იმედი – 27.3 მლნ, საერთო მოცულობის 34.3%
2. მთავარი არხი – 11.4 მლნ, 14.4%
3. რუსთავი 2 – 10.4 მლნ, 13.1%
4. TV პირველი – 6.3 მლნ, 8.0%
5. ფორმულა – 5.7 მლნ, 7.2%
6. POSTV – 4.5 მლნ, 5.7%
7. სილქნეტი – 3.5 მლნ, 4.4%
8. GDS – 3.2 მლნ, 3.2%
9. პირველი არხი – 2.4 მლნ, 3.1%
10. რ.ბ.ჯ (რუსეთის პირველი არხი-გართობა)- 0.6 მლნ, 0.8%
11. სხვა – 4.7 მლნ, 6%

რაც შეეხება რადიო მაუწყებლებს, 2021 წელს. 2020 -თან შედარებით რადიო მაუწყებლების მთლიანი სარეკლამო შემოსავლები 0.4 მილიონი ლარით გაიზარდა და 7.2 მილიონი ლარი შეადგინა. რაც მნიშვნელოვნად ჩამოუვარდება პანდემიამდე არსებულ მონაცემებს. მაგალითად 2019 წელს, რადიოს საერთო სარეკლამო შემოსავალი 9 მილიონ 100 ათასი ლარი იყო.

2021 წელს, რადიო მაუწყებლობიდან მიღებული სარეკლამო შემოსავლების მიხედვით, ყველაზე დიდი წილი – 53.7% „რადიო ჰოლდინგ ფორტუნას“ (ფორტუნა. ფორტუნა პლუს, არ დაიდარდო, ავტო რადიო) ჰქონდა.

„რადიო იმედს“ – 9.8%,

„ქართულ რადიოს“ (მაესტრო, ვინილი, მშვიდი რადიო)- 5.4%,

„რადიო პალიტრას“ – 5.2%,

„რადიო ჯორჯიან თაიმსს“ 3.9%,

„მდ ჯგუფს“ (რადიო უცნობი) – 3.4%,

„ჩვენ რადიოს“ – (რადიო კომერსანტი) – 3% ეკავა.

„მედია ჰოლდინგ აფხაზეთის ხმას“ (აფხაზეთის ხმა, დარდი-მანდი) – სარეკლამო შემოსავლის 2.7%,

კომპანია „მედიასტრიმს“(რადიო ენერჯი) – 2.6%

სამაუწყებლო კომპანია „ჰერეთს“ – (რადიო თბილისი, ჰერეთი, ციტრუსი) 1.5% ეკავა.

სხვა რადიო მაუწყებლების სარეკლამო შემოსავლების ჯამურმა წილმა 8.3% შეადგინა.