ღაზაში1 900 ადამიანი მოკლეს ხოლო ისრაელში 1 300
ღაზის სექტორში ისრაელის საჰაერო იერიშების შედეგად 1300-ზე მეტი შენობა განადგურდა
ღაზის სექტორის ჯანდაცვის სამინისტროს ცნობით, გასული 24 საათის განმავლობაში, ღაზის სექტორში ისრაელის ავიაიერიშების შედეგად, სულ მცირე 1 900 ადამიანი დაიღუპა და 1000-მდე დაშავდა. მათ შორის არის, ის 70 ადამიანიც, რომელიც ტერიტორიას ისრაელის გაფრთხილების შემდეგ კოლონით ტოვებდა.
ისრაელში, ადგილობრივი მედიის მიერ გავრცელებული ბოლო ინფორმაციით, დაღუპულია 1 300 ადამიანი, ხოლო დაშავებულია 3 418.
პალესტინის ჯანდაცვის სამინისტროს მიერ გამოქვეყნებული ცნობებით, ღაზაში 1 900 ადამიანია დაღუპული, მათ შორის 256 ბოლო 24 საათში და დაშავებულია 7 696.
საერთო ჯამში კი, ღაზის სექტორში 7 ოქტომბრის შემდეგ, დაღუპულთა რიცხვმა 2 215-ს მიაღწია, დაშავებულია 8 714 ადამიანი.
გაეროს ინფორმაციით, ღაზის სექტორში ისრაელის საჰაერო იერიშების შედეგად 1300-ზე მეტი შენობა განადგურდა.
ორგანიზაციის მიერ გავრცელებულ ინფორმაციაში ასევე ნათქვამია, რომ ღაზის სექტორში 5 540 საცხოვრებელი ერთეული განადგურდა და 3 750 სახლი იმდენად მძიმედ არის დაზიანებული, რომ საცხოვრებლად უვარგისია.
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება “ჰამასმა” აიღო და მას ოპერაცია “ალ-აკსას შტორმი” უწოდა.
სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია “რკინის ხმლების” დაწყება გამოაცხადა.
