ჯო ბაიდენმა დელეგატთა ხმების საკმარისი რაოდენობის დააგროვა იმისთვის, რომ დემოკრატიული პარტიის პრეზიდენტობის კანდიდატი ოფიციალურად გახდეს.
როგორც თავად ბაიდენმა „ტვიტერში“ დაწერა, მას უკვე აქვს 1 991 დელეგატის ხმა.
„მე დავხარჯავ ყველა დღეს ბრძოლისთვის, რომ მოვიპოვო თქვენი ხმები, რათა ჩვენ ერთად გავიმარჯვოთ ერის სულისთვის ბრძოლაში.” – დაწერა აშშ-ის ყოფილმა ვიცე-პრეზიდენტმა.
ფაქტობრივად, ჯო ბაიდენი დემოკრატიული პარტიის პრეზიდენტობის კანდიდატი მას შემდეგ გახდა, რაც მისმა მთავარმა მეტოქემ, ბერნი სანდერსმა საარჩევნო კამპანიის შეწყვეტისა და ბაიდენის მხარდაჭერის შესახებ განაცხადა.
ჯო ბაიდენს მხარდაჭერა გამოუცხადა აშშ-ის ყოფილმა პრეზიდენტმა ბარაკ ობამამაც, რომლის ადმინისტრაციაშიც ის ვიცე-პრეზიდენტის პოსტს იკავებდა.
ჯო ბაიდენი პრეზიდენტად უკვე მესამედ იყრის კენჭს.
ამერიკის შეერთებულ შტატებში საპრეზიდენტო არჩევნები ნოემბერში გაიმართება.
