ევროკავშირი რუსეთის გაძევებას ვერ შეძლებს
რუსეთის საგარეო საქმეთა მინისტრი, სერგეი ლავროვი ამტკიცებს, რომ ევროკავშირის გეგმაა რუსეთის ცენტრალური აზიიდან და ამერკავკასიიდან გაძევება, მაგრამ წარმატებას ვერ მიაღწევს. რუსეთის საგარეო საქმეთა მინისტრი მტკიცებით, “ევროკავშირი ვერ შეძლებს რუსეთის გაძევებას ცენტრალური აზიიდან და ამიერკავკასიიდან”.
ლავროვის თქმით, რუსეთი ამ რეგიონების დატოვებას არ გეგმავს და მოსკოვის მოკავშირეებმა და პარტნიორებმა “ეს ძალიან კარგად იციან”.
“დასავლური სამყაროს ლიდერებიც კი თავს უფლებას აძლევენ, გააკეთონ თავხედური განცხადებები. ევროკავშირი არ მალავს თავის განზრახვას, რომ ყველანაირად შეგვაკავოს, გაგვაძევოს ცენტრალური აზიიდან და ამიერკავკასიიდან.
ეს არ გამოვა. ჩვენ ისტორიულად აქ ვართ. არსად არ გავქრებით და მოსკოვის მოკავშირეებმა და პარტნიორებმა ეს ძალიან კარგად იციან”, – ამბობს ლავროვი.
ის გამოეხმაურა საფრანგეთის პრეზიდენტის ემანუელ მაკრონის ყაზახეთში ვიზიტის შემდეგ დასავლურ პრესაში გამოქვეყნებული სტატიასაც, სადაც ქვეყანას პუტინის უკანა ეზო უწოდეს და თქვა, რომ დასავლური სამყაროს ლიდერები თავს უფლებას აძლევენ, გააკეთონ საკმაოდ თავხედური განცხადებები.
