დღეიდან ეროვნული გამოცდები დაიწყო

ერთიანი ეროვნული გამოცდები დაიწყო. ამისთვის 23 საგამოცდო ცენტრი მუშაობს. პირველ გამოცდას ახალგაზრდები ქართულ ენასა და ლიტერატურაში აბარებენ. საგამოცდო ცენტრები მთელი საქართველოს მასშტაბით 11 ქალაქში მდებარეობს. აპლიკანტთა დიდი რაოდენობის გამო დამატებით ორი ცენტრი გაიხსნა ხულოსა და ბათუმში. საგამოცდო ცენტრებთან მისასვლელად გამოყოფილია დამატებითი საზოგადოებრივი ტრანსპორტი.  წელს 41-ათასამდე აბიტურიენტი დარეგისტრირდა.

გამოცდები ნაწილობრივ ელექტრონული სისტემით ტარდება. ეროვნული გამოცდები 21 ივლისს ფიზიკის გამოცდით დასრულდება.