თბილისის ქუჩებში ბეჰემოტი და ვეფხვი გამოჩნდნენ
თბილისში, გმირთა მოედანზე ბეჰემოტი გამოჩნდა. – იტყობინება “ინტერპრესნიუსი”, საინფორმაციო სააგენტო “პირველი”კი სოციალურ ქსელში გაქცეული ვეფხვის ფოტოს ავრცელებს.
მობილიზებულია სამაშველო სამსახური, რათა ცხოველის დაჭერა მოხდეს. ზოოპარკთან ისმის სროლის ხმაც, სადაც საგანგებო სამსახურების თქმით, სროლა ცხოველების დაძინების მიმართულებით მიმდინარეობს.
წყალმა ზოოპარკის ტერიტორია მთლიანად დაფარა, რასაც ცხოველების გაქცევა მოჰყვა. სპეციალისტები ცდილობენ ცხოველები ვოილერებში გადაიყვანონ.
