თბილისში ძაღლს ცოფის ვირუსი დაუდასტურდა
თბილისში ძაღლს ცოფის ვირუსი დაუდასტურდა. ამის შესახებ ცხოველთა მონიტორინგის სამსახურის მიერ გავრცელებულ ინფორმაციაშია ნათქვამი.
„8 ივნისს, მოქალაქის ინიციატივით, ბერი გაბრიელ სალოსის ქ. #39–დან, ცხოველთა მუნიციპალურ თავშესაფარში გადაყვანილი იქნა ძაღლი, რომელსაც, სავარაუდოდ, ცოფის ვირუსის კლინიკური ნიშნები აღენიშნებოდა. ცხოველის ლეტალობა 9 ივნისს დაფიქსირდა.
“ცხოველის პათოლოგიური მასალა გადაიგზავნა სოფლის მეურნეობის სამინისტროს ლაბორატორიაში. მასალის კვლევის შედეგად, ცოფის ვირუსის არსებობა დადასტურდა.
“2019 წელს თბილისში ცხოველებში ცოფის ვირუსის ექვსი შემთხვევა დაფიქსირდა. ცოფთან ბრძოლის პროფილაქტიკურ-საკარანტინო ღონისძიებებს სურსათის ეროვნული სააგენტო და თბილისის მერიის ცხოველთა მონიტორინგის სააგენტო, მოქმედი კანონმდებლობით დადგენილი წესით, ერთობლივად განახორციელებენ.” – ამბობენ ცხოველთა მონიტორინგის სამსახურში.
