რეგიონი
თელავის მთავარ ნაძვის ხეს ცეცხლი გაუჩნდა
შემთხვევა ცოტა ხნის წინ მოხდა.
კვამლი ცენტრალურ მოედანზე მცხოვრებმა მოქალაქეებმა შენიშნეს და სახანძრო სამსახური გამოიძახეს.
” კვამლი შევამჩნიეთ და თან ელექტროენერგია გამოირთო. მაშინვე სახანძრო სამსახური გამოვიძახეთ. დროულად მოვიდნენ და წყლის ჭავლით სწრაფად ჩააქრეს. დიდი დაზიანება არ აქვს, წვერო აქვს დამწვარი”- ამბობენ ადგილობრივები.
ხანძრის გამომწვევი მიზეზი ჯერჯერობით დაუდგენელია.
სახანძრო- სამაშველო ჯგუფები ადგილზე რჩებიან.
თელავის მთავარი ნაძვის ხე , 24 დეკემბერს საზეიმოდ, სხვადასხვა სახის ღონისძიებების თანხლებით აინთო.
ნაძვის ხისა და ზეიმის მოსაწყობად, ადგილობყივი ბიუჯეტიდან 50 ათასი ლარი დაიხარჯა.
