BREAKING: თელავის საკარანტინო სივრცეში 29 წლის მამაკაცი გარდაიცვალა
შინაგან საქმეთა სამინისტროს კახეთის პოლიციის დეპარტამენტმა თელავში, საკარანტინო სივრცეში მამაკაცის გარდაცვალების ფაქტზე გამოძიება სისხლის სამართლის კოდექსის 115-ე მუხლით დაიწყო.
ჩატარებული საგამოძიებო ღონისძიებებით ამ ეტაპზე დგინდება, რომ ქალაქ თელავში ერთ-ერთ სასტუმროში, სადაც კოვიდპანდემიის გამო საკარანტინო სივრცე არის განთავსებული, 1991 წელს დაბადებული გ.გ. სასტუმროს პერსონალმა გარდაცვლილი ნახა.
ჰერეთის კორესპონდენტს სასტუმროს მიმდებარე ტერიტორიაზე არ უშვებენ
ნახეთ ვიდეო
აღნიშნული პირი 24 სექტემბერს საფრანგეთიდან დაბრუნდა საქართველოში, რის შემდეგაც თელავში სასტუმროს საცხოვრებელ ნომერში იყო გადაყვანილი.
გარდაცვლილი გადასვენებულია ექსპერტიზაზე კვლევების ჩატარების მიზნით.
მომხდარ ფაქტზე გამოძიება სსკ-ის 115-ე მუხლით გრძელდება.
აღსანიშნავია, რომ დაავადებათა კონტროლის ცენტრის კახეთის განყოფილებამ, რამდენიმე დღის წინ ეპიდემიოლოგიური ვითარებაზე ინფორმაციის გაცემა შეწყვიტა.
მოისმინეთ ასევე
