თელავში ახალგაზრდა მამაკაცი პროდუქტს არიგებს
![](https://heretifm.com/wp-content/uploads/2022/04/produqtebiiiiiiii-780x410.jpg)
თელავის ცენტრალურ მოედანზე, ახალგაზრდა მამაკაცი პროდუქტს არიგებს.
სოციალური აქცია სააღდგომოდ, მოსახლეობის გაჭირვებული ნაწილისათვის მოეწყო.
აქციის ორგანიზატორი, თელაველი ახალგაზრდა, რეზო ღაზიაიძეა.
ახლაგაზრდამ, თელავის თეატრის წინ განთავსებულ ჯიხურებში, შვიდი სახეობის პროდუქტი მიიტანა და ადგილობრივებს უსასყიდლოდ გადასცემს.
რეზო ღაზიაიძის განმარტებით, პროდუქტის დღევანდელი მარაგი, 100 ადამიანის სამყოფია და მსგავსი ტიპის ქველმოქმედებას, მომავალშიც გააგრძელებს.
“სააღდგომოდ შვიდი სახეობის პროდუქტს ვარიგებ, ახლა მეგობრებიც შემომიერთდნენ. ჩემი მიზანი მხოლოდ ის არის, რომ თუნდაც რამდენიმე დღით, საკვების პრობლემა გადავწყვიტოთ და მათი ყოფა შევამსუბუქოთ”-ამბობს ახალგაზრდა.
რეზო ღაზიაიძის ორგანიზებით, სოციალური აქცია თელავში ერთხელ უკვე ჩატარდა.
სააღდგომო ნობათი დღეს, შვიდი სახეობის პროდუქტის,პურის, პასკის, მაკარონის, თაფლის, შაქრის, ჩაისა და კვერცხისგან შედგება.