თორნიკე შენგელიას ცსკა-ს იოლი გასვლა პოლონეთში

VTB ლიგაში თორნიკე შენგელიას ცსკა-მ მორიგი მატჩი პოლონეთში,ზიელინა გორას წინააღმდეგ გამართა და ანგარიშით 93:59 იოლად გაიმარჯვა.

რუსული კლუბის ბერძენმა მთავარმა მწვრთნელმა დმიტრის იტუდისმა ქართველი ცენტრი დიდი ხნით არ დატვირთა და შენგელიამ პარკეტზე მხოლოდ 8 წუთი და 36 წამი გაატარა.

თორნიკემ მხოლოდ პირველ ტაიმში ითამაშა და ამ დროის განმავლობაში 4 ქულა,2 მოხსნა და 2 დაფარება მიითვალა პერსონალური ფოლი კი არ მიუღია.

ცსკა-ს VTB ლიგაში 6 მოგება და 2 მარცხი აქვს ამ შედეგით კლუბი სატურნირო ცხრილის მესამე პოზიციას იკავებს.

ვითიბი ლიგის მომდევნო შეხვედრას შენგელიას გუნდი 26 დეკემბერს ენისეისთან ჩაატარებს.მანამდე კი 23 დეკემბერს ევროლიგის ფორმატით მადრიდის რეალის წინააღმდეგ გამოვა.