თურქეთში კიდევ ერთი აფეთქება მოხდა: 7 ადამიანი დაიღუპა

თურქეთის სამხრეთ-აღმოსავლეთ ნაწილში, ქალაქ ლიჯის საავტომობილო ტრასაზე სამხედრო ავტომობილების კოლონა ააფეთქეს, – გვაცნობებს The Guardian.

თვითნაკეთი მოწყობილობის აფეთქების შედეგად, 7 სამხედრო მოსამსახურე დაიღუპა. ტრაგედიის ადგილზე ძალოვანები და მედიკოსები მუშაობენ.

შეგახსენებთ, რომ 17 თებერვალს, ანკარაში, ძლიერი აფეთქება ქალაქის ცენტრში, თურქეთის სამხედრო-საზღვაო ძალებისა და გენშტაბის შენობების, აგრეთვე შინაგან საქმეთა სამინისტოს, პარლამენტისა და ქვეყნის პრემიერ-მინისტრის რეზიდენციის მახლობლად მოხდა. წინასწარი მონაცემებით, 28 ადამიანი დაიღუპა, 60 კი დაიჭრა.

პასუხისმგებლობა აფეთქებაზე ქურთისტანის მუშათა პარტიას დაეკისრა.