თუშეთში სამი მამაკაცი დაჭრეს
დაჭრა თუშეთის სოფელში- სამი მამაკაცი საავადმყოფოშია მოთავსებული.
დაჭრის ფაქტი, ახმეტის მუნიციპალიტეტის სოფელ ომალოში ურთიერთშელაპარაკებას მოჰყვა. ადგილობრივების ინფორმაციით, სოფელში ქორწილისა და ნათლობის სუფრები იყო, რის შემდეგაც მამაკაცები ერთმანეთს შეხვდნენ და ურთიერთშელაპარაკება მოუხდათ.
კონფლიქტს ხელჩართული ჩხუბი მოჰყვა, რის შედეგადაც სამი პირი დაიჭრა.
ერთ- ერთი დაჭრილი, თელავის რეფერალურ საავადმყოფოში, მეორე კი თელავში, ყამბარაშვილის კლინიკაშია მოთავსებული. მესამე მამაკაცი ჯანმრთელობის რთული მდგომარეობის გამო, თბილისში გადაიყვანეს.
რეფერალური საავადმყოფოს დირექტორის, ხათუნა ჭონიაშვილის განმარტებით, ჰოსოიტალში მოთავსებულ მამაკაცს გულმკერდის არეში შემავალი ჭრილობა, სავარაუდოდ, ბასრი იარღით აქვს მიყენებული და გაწეული სამედიცინო დახმარების შემდეგ, მისი ჯანმრთელობის მდგომარეობა სტაბილურია.
გამოძიება მომხდარ ფაქტზე, სისხლის სამართლის კოდექსის 117- ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
