ტოკიოს აეროპორტში მგზავრებს რობოტები მოემსახურება [Video]
ტოკიოს საერთაშორისო აეროპორტ ნარიტაში მგზავრებს კომპანია Panasonic მიერ შექმნილი რობოტი-ასისტენტები მოემსახურება.
როგორც პორტალი businesswire.com იუწყება, რობოტი-ასისტენტი Hospi(R) აბსოლუტურად დამოუკიდებელია. მანქანა, მასში დამონტაჟებული სენსორებისა და მეხსირების ბარათების წყალობით, უხმაუროდ მუშაობს და დავალებებს სწაფად ასრულებს.
ამჟამად Hospi(R) ტოკიოს 4 საავადმყოფოს ემსახურება. იქ რობოტები მედპერსონალს მედიკამენტებისა და სხვა საგნების მიწოდებაში ეხმარება. ელექტრონული ასისტენტები ნახევრადავტომატურ და ავტონომიურ რეჟიმში მუშაობენ.
მალე Hospi(R) ტოკიოს აეროპორტსა და მიმდებარე სასტუმრო ANA Crowne Plaza-ს მოემსახურება, სადაც მაგიდების დალაგებით, მგზავრებისთვის წყლისა და ავტობუსების განრიგის მიწოდებით დაკავდება.
პორტალის ცნობით, Hospi(R) ფლობს იაოპონურ, ჩინურ, ინგლისურ ენებსა და მომხმარებელს დისპლეიზე გამოტანილი ტექსტური შეტყობინების მეშვეობით ეკონტაქტება.