ცუკერბერგმა გვაჩვენა, თუ როგორ მართავს თავის „ჭკვიან სახლს“ [Video]
Facebook-ის დამფუძნებელმა, მარკ ცუკერბერგმა გვაჩვენა, თუ როგორ მუშაობს ხელოვნური ინტელექტის სისტემა, სახელწოდებით ჯარვისი, რომლითაც მისი სახლია აღჭურვილი.
ჯარვისი პერსონალურ ასისტენტს წარმოადგენს და თავისი პატრონის ბრძანებებს ასრულებს, – იუწყება The Verge.
სისტემა თავად ცუკერბერგმა შექმნა და მას სმარტფონის მეშვეობით მართავს.
ორ ლაკონურ რგოლში Facebook-ის დამფუძნებელმა დაგვანახა, თუ როგორ ფუნქციონირებს ჯარვისი.
ვიდეორგოლებმა, რომელიც ცუკერბერგმა გამოაქვეყნა, მილიონობით ნახვა დააგროვა. ჯარვისს ცნობილი მსახიობი მორგან ფრიმენი ახმოვანებს.
