წუწლუკიანის დროებითი საგამოძიებო კომისიის მანდატი გაფართოვდა

საკანონმდებლო ორგანომ პლენარულ სხდომაზე, 86 ხმით მხარი დაუჭირა დადგენილების პროექტს “2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო კომისიის შექმნის შესახებ” პარლამენტის 2025 წლის დადგენილებაში ცვლილების შეტანის თაობაზე.

დადგენილებაში ცვლილების შემდეგ, დროებითი საგამოძიებო კომისია შემდეგი სახელწოდებით იფუნქციონირებს: “2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისია” .

როგორც სხდომაზე მომხსენებელმა, ფრაქცია “ქართული ოცნების” თავმჯდომარის პირველმა მოადგილემ ირაკლი კირცხალიამ განმარტა, აღნიშნული დადგენილების მიღების შედეგად, კომისიის საქმიანობის სფერო აღარ იქნება შეზღუდული 2012 წლამდე ჩადენილი ანტისახელმწიფოებრივი და დანაშაულებრივი ქმედებების გამოძიების ფარგლებით, არამედ კომისიის მანდატი გაფართოვდება და გავრცელდება 2012 წლის შემდგომ პერიოდზე, პოლიტიკურ პარტიებში გაერთიანებული მოქმედი და ყოფილი პოლიტიკური თანამდებობის პირების 2003 წლიდან დღემდე საქმიანობაზეც.

მინდა, მივმართო და ვთხოვო ჩემს თანატოლებს, ახალგაზრდებს,მათ ვისაც გული შესტკივათ ჩვენი ქვეყნის მომავალზე, დიდი ყურადღებით მოისმინონ და თვალყური ადევნონ ამ კომისიის მსვლელობას, რადგან განსაკუთრებით მათთვის ვისაც შეიძლება ასაკის გამო კარგად არ გვახსოვს ის საქმეები და დანაშაულები, რაც მაშინდელმა ხელისუფლებამ ქართველ ხალხს გამოატარა, კომისია კიდევ ერთხელ თვალსაჩინოს ხდის და ნათლად წარმოაჩენს, თუ ვინ დგას დღეს მეორე მხარეს, ვინ გვესახება ე.წ. ოპოზიციურ ძალად და ვინ გვესაუბრება სამშობლოს ვითომ სიყვარულზე, – ამის შესახებ საპარლამენტო უმრავლესობის წევრმა, ლიკა შარტავამ, პარლამენტის დროებითი საგამოძიებო კომისიის შესახებ, პარლამენტის პლენარულ სხდომაზე სიტყვით გამოსვლისას განაცხადა.

მისი თქმით, წლების განმავლობაში საზოგადოების გარკვეულ ნაწილს თითქოს მიავიწყდა ის ენით აღუწერელი სისასტიკე, რაც ჩვენმა თანამოქალაქეებმა განიცადეს, შესაბამისად, განსაკუთრებით მნიშვნელოვანი და ემოციურია პირველწყაროდან მოსმენილი ტრაგიკული ამბები.

“მინდა, რამდენიმე სიტყვით შევეხო საგამოძიებო კომისიის საქმიანობას,რომელსაც ვთვლი, რომ დღეს არსებული რეალობის გათვალისწინებით უმნიშვნელოვანესი როლი და დატვირთვა აქვს.

მინდა, მივმართო და ვთხოვო ჩემს თანატოლებს, ახალგაზრდებს,მათ ვისაც გული შესტკივათ ჩვენი ქვეყნის მომავალზე, დიდი ყურადღებით მოისმინონ და თვალყური ადევნონ ამ კომისიის მსვლელობას, რადგან განსაკუთრებით მათთვის ვისაც შეიძლება ასაკის გამო კარგად არ გვახსოვს ის საქმეები და დანაშაულები, რაც მაშინდელმა ხელისუფლებამ ქართველ ხალხს გამოატარა, კომისია კიდევ ერთხელ თვალსაჩინოს ხდის და ნათლად წარმოაჩენს, თუ ვინ დგას დღეს მეორე მხარეს, ვინ გვესახება ე.წ. ოპოზიციურ ძალად და ვინ გვესაუბრება სამშობლოს ვითომ სიყვარულზე.

წლების განმავლობაში საზოგადოების გარკვეულ ნაწილს თითქოს მიავიწყდა ის ენით აღუწერელი სისასტიკე, რაც ჩვენმა მეგობრებმა, ახლობლებმა, ნათესავებმა, თუ უბრალოდ ჩვენმა თანამოქალაქეებმა განიცადა.

განსაკუთრებით მნიშვნელოვანი და ემოციურია პირველწყაროდან მოსმენილი ტრაგიკული ამბები, რაც დარწმუნებული ვარ თითოეულ ადამიანს თანაგრძნობის და ამავდროულად ბრაზის გარეშე ვერ დატოვებს.

დამეთანხმებით, მარტივი არ არის ხელახლა მოისმინო და გაიხსენო ყველა ისე მძიმე ფაქტი, თუ ისტორია, რაც მაშინდელმა რეჟიმმა ჩაიდინა. მინდა დიდი მადლობა გადავუხადო კომისიის თავმჯდომარეს ქალბატონო თეას, რომელიც ღირსეულად უძღვება თავის საქმეს, ასევე, რა თქმა უნდა, კომისიის წევრებს და ყველას ვინც სანდო ინფორმაციას აწვდის მათ.

ვიმედოვნებ, რომ თითოეული ჩვენგანი იაზრებს, თუ რამხელა მნიშვნელობა აქვს საგამოძიებო კომისიას და სამომავლოდ მიღებულ დასკვნას!” – განაცხადა ლიკა შარტავამ.