უკრაინაში ომი, სავარაუდოდ, 2024 წლამდე გაგრძელდება
შეერთებული შტატების საიდუმლო მასალების მიხედვით, რომელიც ცოტა ხნის წინ გავრცელდა ინტერნეტში, უკრაინასა და რუსეთს შორის ომი სავარაუდოდ 2024 წლამდე გაგრძელდება. ინფორმაცია ამის შესახებ The Washington Post ავრცელებს.
გამოცემის ცნობით, დოკუმენტების მიხედვით, წელს რუსეთ-უკრაინის სამშვიდობო მოლაპარაკებები არ არის მოსალოდნელი. ამასთან აშშ-ის დაზვერვის ოფიციალური პირები ვარაუდობენ, რომ 2024 წლისთვის ომში გამარჯვებული ვერცერთი მხარე იქნება.
“კონფლიქტის დასრულების შესახებ მოლაპარაკებები ნაკლებად სავარაუდოა 2023 წლის განმავლობაში ყველა განხილულ სცენარში“, – ნათქვამია დოკუმენტის იმ ნაწილში, რომელიც აქამდე არ იყო გამჟღავნებული.
გაზეთი აღნიშნავს, რომ თუნდაც უკრაინამ დაიბრუნოს მნიშვნელოვანი ტერიტორიები და მიაყენოს “მნიშვნელოვანი დანაკარგი რუსეთის ჯარს”, რაც, აშშ-ის დაზვერვის მიხედვით, ნაკლებად სავარაუდოა, ქვეყნის მიღწევები სამშვიდობო მოლაპარაკებებს არ გამოიწვევს.
შეფასება, რომელიც ეფუძნება აშშ-ის საფუძვლიან ანალიზში [რომელმაც შეისწავლა ჯარის, იარაღისა და აღჭურვილობის რაოდენობა თითოეულ მხარეს] ნათქვამია, რომ მოსალოდნელია, რომ ომის კრიტიკოსებმა მოუწოდონ დიდ ძალებს, როგორიცაა შეერთებული შტატები და ჩინეთი, აიძულონ კიევი და მოსკოვი კონფლიქტის გადაწყვეტისა და დასრულებისკენ.
დოკუმენტში გამოთქმულია პროგნოზი, რომ ეს წელი დასრულდება მხოლოდ “მცირე” ტერიტორიული მიღწევებით ორივე მხარისთვის, როგორც შედეგი იმისა, რომ არის “არასაკმარისი ჯარი და მარაგი ეფექტური ოპერაციებისთვის.” ამასთან, ჩიხი, სადაც არც ერთი მხარე არ აღწევს გადამწყვეტ უპირატესობას, დოკუმენტში აღწერილია, როგორც “ყველაზე სავარაუდო სცენარი”.
სტატიის თანახმად, უკრაინული მხარისთვის ომი გამოიწვევს იმედგაცრუებას ქვეყნის შიგნით და ომის მიმდინარეობის „კრიტიკას“, რაც გაზრდის ხელმძღვანელობის შეცვლის ალბათობას, ნათქვამია დოკუმენტში. WP აღნიშნავს, რომ გაურკვეველია, საუბარია სამხედრო თუ პოლიტიკურ ცვლილებაზე.
ღამით რუსულმა ძალებმა სუმის ოლქის 5 დასახლება დაბომბეს; ოკუპანტებმა ნიკოპოლის ოლქს ცეცხლი გაუხსნეს, დაზიანდა ინფრასტრუქტურა და დაშავდა ოთხი მშვიდობიანი მოქალაქე.
ხარკოვის ოლქში, კუპიანსკის რეგიონში სოფლის დაბომბვის შედეგად დაიღუპა 2 მოქალაქე. დაზიანებულია საცხოვრებელი სახლები.
გაზაფხულზე უკრაინის მიერ დაგეგმილი კონტრშეტევის გადადებაზე წერს ვაშინგტონ პოსტიც. გავლენიანი გამოცემა ამის მიზეზად საბრძოლო მასალის ნელი ტემპებით მიწოდებასთან ერთად შეტევისთვის არახელსაყრელ ამინდსაც ასახელებს.
აშშ და ლატვია აღიარებენ უკრაინაში თავიანთი სამხედროების ყოფნას, მაგრამ არა ბრძოლის ველზე. ამის შესახებ ინფორმაცია თავდაპირველად სადაზვერვო დოკუმენტების გაჟონვის შედეგად გახდა ცნობილი.
პენტაგონის დოკუმენტები მიუთითებს იმაზეც, რომ რუსეთი ვერ შეძლებს დონბასის მთლიანად აღებას და ომი 2023 წლის შემდეგაც გაგრძელდება.
