უკრაინაში, რუსეთის შეჭრის დაწყების დღიდან 191 ბავშვი გარდაიცვალა
უკრაინაში, რუსეთის შეჭრის დაწყების დღიდან 191 ბავშვი გარდაიცვალა და 349 დაშავდა, – ამის შესახებ ინფორმაციას CNN-ი უკრაინის გენერალურ პროკურატურაზე დაყრდნობით ავრცელებს.
უკრაინის გენერალური პროკურატურის ოფისის ინფორმაციით, რამდენიმე ბავშვი ბოლო დღეებში, უკრაინის ჩრდილო-აღმოსავლეთ და სამხრეთით განხორციელებულ დაბომბვებს ემსხვერპლა.
მათივე ინფორმაციით, 16 წლის გოგონასა და 10 წლის ბიჭის დამწვარი ცხედარი კიევის ჩრდილო-დასავლეთით, სოფელ ბოროდიანკასა და დასავლეთ უკრაინაში, კოროლევკაში იპოვეს.
ამასთან, ხარკოვში მიმდინარე დაბომბვების შედეგად, მსხვერპლს შორის ბავშვებიც არიან. ხერსონში კი – საცხოვრებელი კორპუსის დაბომბვის შედეგად, 15 წლის გოგონა მძიმედ დაშავდა.
ამასთან რუსეთის მიერ უკრაინაში ომის დაწყებიდან 26653 ბავშვი დაიბადა. ინფორმაცია ამის შესახებ უკრაინულ ტელეგრამ არხებზე ვრცელდება.
მათივე ცნობით, ყველაზე მეტი ახალშობილი – ლვოვის, დნეპროპეტროვსკის, ოდესის, ვინიცას, ტრანსკარპატების და ივანო-ფრანკოვსკის ოლქებში დაიბადნენ.
