უკრაინაში-რუსეთის შეჭრის დღიდან 148 ბავშვი დაიღუპა

უმაღლესი რადას ადამიანის უფლებათა კომისრის, ლუდმილა დენისოვას განცხადებით, უკრაინაში, რუსეთის შეჭრის შემდეგ, საომარი მოქმედებების შედეგად, 148 ბავშვი დაიღუპა, ხოლო 232 კი – დაიჭრა, – აღნიშნულის შესახებ ინფორმაციას უკრაინული მედია ავრცელებს.

უწყების ცნობით, ბავშვები ყველაზე მეტად დაზარალდნენ ✔კიევის ოლქში – 69

✔დონეცკის ოლქში – 57

✔ხარკოვის ოლქში – 53

✔ჩერნიგოვის ოლქში – 41

✔მიკოლაევის ოლქში – 30

✔ლუგანსკის ოლქში – 30

✔ზაპოროჟიეს ოლქში – 22

✔ხერსონის ოლქში – 27

✔დედაქალაქში – 16

✔სუმის ოლქში – 16

✔ჟიტომირის ოლქში – 15.

მათივე ინფორმაციით, უკრაინის დასახლებებში, აქტიური საომარი მოქმედებების ფონზე, დაღუპული და დაშავებული ბავშვების რეალური რაოდენობის დადგენა ამჟამად შეუძლებელია.

როგორც Ukrinform-ი გაეროზე დაყრდნობით იუწყება, უკრაინაში, რუსეთის სრულმასშტაბიანი შეჭრის დაწყებიდან დღემდე, 1179 მშვიდობიანი უკრაინელი მოქალაქე დაიღუპა, ხოლო 1860 კი – დაშავდა.