უკრაინის ახლადარჩეულმა პრეზიდენტმა ვლადიმერ ზელენსკიმ რადას კანონპროექტი წარუდგინა, რომელიც თანამდებობის პირებისთვის უკანონოდ მოპოვებული ქონების ჩამორთმევას და კორუფციაში ბრალდებული მაღალჩინოსნების სისხლის სამართლის პასუხისგებაში მიცემას ითვალისწინებს.
როგორც პრეზიდენტის პრესცენტრში განაცხადეს, ჩამორთმეული უკანონო აქტივები, სახელმწიფო ბიუჯეტს გადაეცემა.
უკანონო გამდიდრებასთან დაკავშირებული კანონი ქვეყანაში 2015 წელს იქნა შემოღებული, თუმცა საკონსტიტუციო სასამართლომ მუხლი არაკონსტიტუციურად გამოაცხადა.
