უშიშროების საბჭოს მდივანი თანამდებობას ტოვებს
ირინა იმერლიშვილი უშიშროების ეროვნული საბჭოს მდივნის თანამდებობას ტოვებს. მას უფლებამოსილება 2 ოქტომბერს ოფიციალურად შეუწყდება.
პრეზიდენტის გადაწყვეტილებით იმერლიშვილი საკონსტიტუციო სასამართლოს მოსამართლედ დაინიშნება.
ვიდრე პრეზიდენტი გიორგი მარგველაშვილი ახალი მდივნის დანიშვნის საკითხზე გადაწყვეტილებას მიიღებს, უშიშროების ეროვნული საბჭოს მდივნის უფლებამოსილებას ირინა იმერლიშვილის ერთ-ერთ მოადგილეს დაეკისრება.
შეგახსენებთ, რომ სექტემბერში საკონსტიტუციო სასამართლოს ოთხ მოსამართლეს – გიორგი პაპუაშვილს, კონსტანტინე ვარძელაშვილს, ქეთევან ერემაძესა და ოთარ სიჭინავას – უფლებამოსილების 10-წლიანი ვადა ეწურება. ოთხი ვაკანტური ადგილიდან ერთზე მოსამართლე პარლამენტმა უნდა დანიშნოს, ერთი – უზენაესი სასამართლოს პლენუმმა, ორს კი პრეზიდენტი ნიშნავს.
როგორც ცნობილია, პრეზიდენტმა საკონსტიტუციო სასამართლოს მოსამართლეებად ირინა იმერლიშვილი და გიორგი კვერენჩხილაძე, უზენაესმა სასამართლომ კი თეიმურაზ ტუღუში უკვე დანიშნა.
