“ვარსკვლავურ ომებზე” ბილეთების წინასწარმა გაყიდვამ რეკორდი დაამყარა
IMAX-ის კინოთეატრებმა “ვარსკვლავური ომების” მეშვიდე ეპიზოდის პრემიერაზე დასასწრებ ბილეთებში, წინასწარ 6,5 მილიონი დოლარი შეაგროვა, რაც აბსოლუტურ რეკორდს წარმოადგენს,- იუწყება The Hollywood Reporter.
“ჰოლივუდიდან ლონდონამდე – სულ ანშლაგი გვაქვს”, – განაცხადა კომპანია IMAX Entertainment-ის გენერალურმა დირექტორმა გრეგ ფოსტერმა.
მან აგრეთვე დასძინა, რომ ფილმის ჩენება აშშ-ის 390 კინოთეატრში ერთდროულად შედგება.
აშშ-სა და დიდ ბრიტანეთში ბილეთების გაყიდვა 19 ოქტომბრის საღამოს დაიწყო. პრემიერაზე დასწრების მსურველთა რიცხვმა ონლაინ-ოპერატორების სერვერები ისე გადატვირთა, რომ ტექნიკური ხარვეზები გამოიწვია.
კოსმოსური საგის – “ვარსკვლავური ომები: ძალის გამოღვიძება” პრემიერა 17 დეკემბერს შედგება. ფილმში მთავარ როლებს ასრულებენ: ჯონ ბოიეგა, დეიზი რიდლი და ადამ დრაივერი. სურათის რეჟისორი ჯეი ჯეი აბრამსია.
