ველისციხის N14-ე საუბნო საარჩევნო კომისიამ მუშაობა შეაჩერა

მიზეზი საარჩევნო კომისის ერთ-ერთი წევრის, კორონავირუსით ინფიცირება გახდა.

გურჯაანის საოლქო საარჩევნო კომისიის თავმჯდომარის, მაია ჩუთლაშვილის განმარტებით, კომისიის ყველა წევრი თვითიზოლაციაშია გადაყვანილი.

“კომისიის მუშაობა შეჩერებულია, რადგან ერთ-ერთ წევრს, ვირუსი დაუდასტურდა. ქალბატონი, თელავის ერთ-ერთი კლინიკის ექიმიცაა პარალელურად. ველოდებით რეკომენდაციას ცენტრალური საარჩევნო კომისიისგან, როგორ მოვიქცეთ, რადგან წინასაარჩევნო პერიოდში კომისიის გარეშე უბანი ვერ იქნება”, – განაცხადა ჩუთლაშვილმა რადიო ჰერეთთან.

კოვიდ-19 საარჩევნო კომისიის წევრს, 1 ოქტომბერს, საღამოს დაუდასტურდა. პაციენტი სამკურნალოდ კოვიდ კლინიკაშია გადაყვანილი.

ბოლო 24 საათის განმავლობაში, კახეთში კორონავირუსის დადასტურებული შემთხვევების რაოდენობა 62- მდე გაიზარდა.