ზუგდიდში მცხოვრები დევნილები აქციებს აანონსებენ
გაბზარული კედლები, ახდილი სახურავი და ჩამტვრეული იატაკი, ასე გამოიყურება ზუგდიდში, კომბინატის უბანში არსებული დევნილთა საცხოვრებელი, სადაც 20 წელია იძულებით გადაადგილებული რამდენიმე ოჯახი უმძიმეს პირობებში ცხოვრობს და ვერცერთი ხელისუფლების პირობებში მათი ბინებით დაკმაყოფილების საკითხი ვერ მოგვარდა.
დევნილების მთავარი მოთხოვნაა, უმოკლეს დროში მოხდეს ქმედითი ნაბიჯების გადადგმა, წინააღმდეგ შემთხვევაში პერმანენტულ აქციებს აანონსებენ და ქუჩაში გამოსვლით იმუქრებიან.
“გვემალებიან, დღესაც პოლიცია წინასწარ გამოიძახეს. ვითხოვთ მოვიდნენ, გადაგვამოწმონ გვეკუთვნის თუ არა ბინები”, – ამბობს რადიო თბილისთან აფხაზეთიდან დევნილი ნანა სალაყაია.
შენობა სამხარაულის დასკვნის მიხედვით, მესამე კატეგორიის ნგრევად ობიექტს მიეკუთვნება.
დევნილთა სამმართველოს ხელმძღვანელი გელა ნაჭყებია რადიო თბილისთან აცხადებს, რომ საკითხზე კომენტარს მოგვიანებით გააკეთებს.
