მნიშვნელოვანირეგიონისიახლეები

ჟიული შარტავა დღეს 77 წლის გახდებოდა

სამეგრელო-ზემო სვანეთს სახელმწიფო რწმუნებულმა და სენაკის მერმა საქართველოს ეროვნული გმირის – ჟიული შარტავას ბიუსტი გვირგვინით შეამკეს.

„ჟიული შარტავა არის ჩვენი დროის გმირი, მან თავისი სამაგალითო საქციელით, აჩვენა ყველას თუ როგორ უნდა ვიბრძოლოთ სამშობლოსთვის და როგორ უნდა გიყვარდეს საქართველო. ჟიული შარტავას გმირობა მისაბაძია დღეს და ასე იქნება საუკუნეების შემდეგაც, მის გმირობაზე თაობები აღიზრდებიან, მადლობა მას ამ თავდადებისთვის“ – განაცხადა სახელმწიფო რწმუნებულმა მალხაზ თორიამ.

ჟიული შარტავა დღეს 77 წლის გახდებოდა, ის 1944 წლის 7 მარტს სენაკში დაიბადა.

აფხაზეთში შეიარაღებული კონფლიქტის დროს, ჟილი შარტავა იყო აფხაზეთის ავტონომიური რესპუბლიკის მინისტრთა საბჭოსა და აფხაზეთის თავდაცვის საბჭოს თავმჯდომარე. 1993 წლის 27 სექტემბერს ის უშუალოდ ხელმძღვანელობდა მთავრობის სახლის დაცვის ოპერაციას, რა დროსაც ტყვედ აიყვანეს და დახვრიტეს.

მსგავსი პოსტები

Back to top button