ჩრდილოეთ კორეამ სამხრეთ კორეა ნახმარი ტუალეტის ქაღალდით “დაბომბა” [Photo]

კორეის სახალხო დემოკრატიულმა რესპუბლიკამ სამხრეთ კორეის ტერიტორიაზე ჰელიუმის ბუშტებზე მიმაგრებული სააგიტაციო ფურცლები, ჩრდილოეთ კორეის ლიდერის, კიმ ჩენ ინის პორტრეტი, სიგარეტის ნამწვავები და ნახმარი ტუალეტის ქაღალდი ჩააგდო.

როგორც გამოცემა Daily Mail გვაცნობებს, თითოეულ ბუშტზე ასაფეთქებელი ნივთიერება და ტაიმერიც იყო მიმაგრებული, მაგრამ ბევრი მათგანი ვერ აფეთქდა. სამხრეთ კორეელმა სამხედროებმა ეჭვი აიღეს, რომ ბუშტები ქიმიური ან ბიოლოგიური იარაღით იყო დატუმბული.

გამოცემის ინფორმაციით, ეს იყო სამხრეთ კორეაში ბოლო დროს გაჩაღებული პროპაგანდის წინააღმდეგ ჩრდილოეთ კორეის მიერ გამართული საპასუხო აქცია.

როგორც ცნობილი გახდა, სამხრეთ კორეა აღშფოთებულია იმით, რომ ფხენიანმა წყალბადის ბომბი გამოცადა.

შეგახსენებთ, მიმდინარე წლის იანვრის დასაწყისში ჩრდილოეთ კორეამ წყალბადის ბომბი მიწისქვეშ წარმატებით გამოცადა. აღნიშნულის შესახებ მას შემდეგ გახდა ცნობილი, რაც ჩრდილოეთ კორეის ბირთვული იარაღის გამოცდის ტერიტორიასთან ახლოს 5,1 მაგნიტუდის სიმძლავრის მიწისქვეშა ბიძგები დაფიქსირდა.

მსგავსი ტიპის მასობრივი განადგურების იარაღი ფხენიანმა მიწისქვეშ პირველად გამოცადა. აღსანიშნავია, რომ წყალბადის ბომბი ჩვეულებრივ ატომურ ბომბთან შედარებით გაცილებით ძლიერია და მას უძლიერესი აფეთქების გამოწვევა შეუძლია.

[inpost_gallery thumb_width=”200″ thumb_height=”200″ post_id=”28655″ thumb_margin_left=”0″ thumb_margin_bottom=”0″ thumb_border_radius=”2″ thumb_shadow=”0 1px 4px rgba(0, 0, 0, 0.2)” js_play_delay=”3000″ id=”” random=”0″ group=”0″ border=”” type=”yoxview” show_in_popup=”0″ album_cover=”” album_cover_width=”200″ album_cover_height=”200″ popup_width=”800″ popup_max_height=”600″ popup_title=”Gallery”][/inpost_gallery]

მსგავსი პოსტები

Back to top button