3 ტერორისტის მოქალაქეობა დადგენილია
ფრანგულმა პოლიციამ, 8 ლიკვიდირებული ტერორისტიდან, სამის ვინაობა დაადგინა, – იუწყება ტელეარხი BFM.
საფრანგეთის პოლიციის ცნობით,თითის ანაბეჭდებმა აჩვენეს, რომ 1 თავდამსხმელი საფრანგეთის მოქალაქე იყო.
წინასწარი მონაცემებით, დანარჩენი 2 ტერორისტი სირიისა და ეგვიპტის მოქალაქეები იყვნენ.
Stade de France-სთან 2 კამიკაძის გვამი აღმოაჩინეს, მათ გვერდზე სირიული და ეგვიპტური პასპორტები იპოვეს. თუმცა ჯერჯერობით უცნობია, დოკუმენტები კონკრეტულად რომელს ეკუთვნოდა.
საფრანგეთის პრეზიდენტმა საგანგებო მდგომარეობა გამოაცხადა, საზღვრები ჩაკეტა და დედაქალაქში ჯარები შეიყვანა.
