მნიშვნელოვანისაქართველო
7-დან 11-მდე გაიზარდა დაშავებულთა რაოდენობა მეტრო “ვარკეთილში”
ბოლო ინფორმაციით, 7-დან 11-მდე გაიზარდა დაშავებულთა რაოდენობა მეტროსადგურ “ვარკეთილში” ჭერის ჩამონგრევის შედეგად.
ისინი საავადმყოფოებში გადაიყვანეს და წინასწარი ინფორმაციით, მათი მდგომარეობა კრიტიკული არ არის.
თავდაპირველად გავრცელდა ინფორმაცია 7 ადამიანის დაშავების შესახებ.
თბილისის სატრანსპორტო კომპანიამ სპეციალური განცხადება გაავრცელა, სადაც წერს რომ ჭერის ჩამოშლის მიზეზების დასადგენად გამოძიება დაიწყო.
სამშენებლო-სარეკონსტრუქციო სამუშაოები ტენდერში გამარჯვებულმა კომპანიამ, “ყვარელმშენმა“ ჩაატარა.
განახლდა სადგურის ქვედა და ზედა ვესტიბიულების ინტერიერი, გარემონტდა გვირაბი, გაიწმინდა იატაკის გრანიტი და მარმარილო, დამონტაჟდა ახალი საოპერატორო ჯიხურები და მოეწყო ნავიგაციის თანამედროვე სისტემა.
