9 აპრილს დაღუპულებს პატივი კახეთშიც მიაგეს
9 აპრილს დაღუპულებს პატივი კახეთშიც მიაგეს
თელავში, გმირების მემორიალი კახეთის გუბერნატორმა ადგილობრივი თვითმმართველობის წარმომადგენლებთან ერთად შეამკო.
ირაკლი შიოშვილი ამბობს, რომ თავისუფლებისათვის საქართველომ დიდი მსხვერპლი გაიღო.
” 1989 წლის 9 აპრილი ქართველების ერთიანობის სულისკვეთებასთან ერთად დიდი ტრაგედიაა. ეს არის დღე, რომელიც მუდამ გვახსენებს ქართველების ერთიანობის სულისკვეთებასა და ამავდროულად დიდ ტრაგედიას. 1989 წლის 9 აპრილს მშვიდობიანი მომიტინგეები სასტიკად დაარბიეს და მოწამლეს. ქვეყანამ თავისუფლებისთვის დიდი მსხვერპლი გაიღო”- განაცხადა შიოშვილმა.
9 აპრილს გარდაცვლილთა შორის, კახეთიდან 22 წლის ლაგოდეხელი, მამუკა ნოზაძე და 35 წლის თელაველი, შალვა ქვასროლიაშვილი იყვნენ, რომელმაც რუსი ჯარისკაცის ორლესული ნიჩბისგან ორსული ქალი გადაარჩინა და თავად დაიღუპა.