fbpx
Hereti FM

ახალგაზრდა მამაკაცი პოლიციელებს ცემაში ადანაშაულებს [ფოტო]

99
Share Button

ლაგოდეხის მუნიციპალიტეტის სოფელ შრომაში მცხოვრები 26 წლის ტატო შეითნიშვილი პოლიციის ადგილობრივი სამმართველოს თანამშრომლებს ცემაში ადანაშაულებს.

შეითნიშვილმა ინფორმაცია „ფეისბუკით“ გაავრცელა და გამოაქვეყნა ფოტოები, რომლებზეც ჩანს ზურგის და თვალის არეში დაზიანებები და დახეული ქურთუკი. „ასე გვეპყრობა ლაგოდეხის პოლიცია რიგით მოქალაქეებს და ხელის შეწმენდას კიდევ ჩვენზე ცდილობენ“, – წერს ტატო შეითნიშვილი.

რა მოხდა და კონკრეტულად ვის ადანაშაულებს ფიზიკურ ძალადობაში, ამის გარკვევა რადიო ჰერეთმა პირადად ტატო შეითნიშვილისგან სცადა, თუმცა, მას მედიასთან ურთიერთობა არ სურს. მხოლოდ იმას ამბობს, რომ საქმეს ასე არ დატოვებს და მომხდარზე პასუხს კანონის ძალით მიიღებს.

შინაგან საქმეთა სამინისტროს პრესსამსახურში რადიო ჰერეთს უთხრეს, რომ „აღნიშნული პირი სამართალდამცველებმა ადმინისტრაციული სამართალდარღვევისთვის დააკავეს“. შსს-ს ინფორმაციით, დაკავებისას გადაამეტა თუ არა პოლიციამ ძალას, ამას დამოუკიდებელი საგამოძიებო უწყება – სახელმწიფო ინსპექტორის სამსახური სწავლობს.

ფეისბუქ კომენტარები
Share Button
რადიო ჰერეთი