fbpx
Hereti FM - ჩვენ ვსაუბრობთ თქვენს ენაზე

უკრაინაში გლოვის დღეა

230

უკრაინის პრეზიდენტმა ვოლოდიმირ ზელენსკიმ 9 იანვარი გლოვის დღედ გამოაცხადა ირანში „უკრაინის საერთაშორისო ავიახაზების“ თვითმფრინავის კატასტროფის გამო, რომელსაც უკრაინის 11 მოქალაქის სიცოცხლე ემსხვერპლა.

სამგზავრო „ბოინგი 737“ რომელიც თეირანი-კიევის რეისს ასრულებდა, 8 იანვარს ჩამოვარდა თეირანის აეროპორტის მახლობლად. თვითმფრინავში 167 მგზავრი და ეკიპაჟის 9 წევრი იმყოფებოდა. ყველა მათგანი დაიღუპა. მათ შორის იყვნენ უკრაინის, ირანის, ავღანეთის, კანადის, დიდი ბრიტანეთის, გერმანიისა და შვედეთის მოქალაქეები.

ირანული მხარის ვერსიით, კატასტროფა ძრავში გაჩენილმა ხანძარმა გამოიწვია. „უკრაინის საერთაშორისო ავიახაზები“ კი აცხადებს, რომ თვითმფრინავი სრულ წესრიგში იყო და მას გამოცდილი ეკიპაჟი მართავდა.

ფეისბუქ კომენტარები
რადიო ჰერეთი