Hereti FM - ჩვენ ვსაუბრობთ თქვენს ენაზე

შსს:პირი რომელმაც გურჯაანში 3 კაცი დაჭრა იდენტიფიცირებულია

282

პირი, რომელმაც სავარაუდოდ, გურჯაანის მუნიციპალიტეტის სოფელ ზეგაანში სამი მამაკაცი დაჭრა იდენტიფიცირებული და დაკავებულია.

ამის შესახებ, რადიო ჰერეთს შინაგან საქმეთა სამინისტროში განუცხადეს.

დაკავებულია იმავე სოფელში მცხოვრები, 1970 წელს დაბადებული პირი.ბრალის დამტკიცების შემთხვევაში, 7- დან 13 წლამდე პატიმრობა ემუქრება.

მომხდარ ფაქტზე , გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

დაჭრის ფაქტი, სოფელ ზეგაანში 15 იანვრის ღამით მოხდა.

წინასწარი ინფორმაციით, სოფელში მცხოვრები სამი მამაკაცი გულ-მკერდისა და მუცლის არეში, ცივი იარღით, ურთიერთშელაპარაკების ნიადაგზე დაჭრეს.

სამივე დაშავებული გურჯაანის “ჯეო-ჰოსპიტალშია” მოთავსებული.

ექიმების განმარტებით, სამივე მათგანის ჯანმრთელობის მდგომარეობა სტაბილურად მძიმეა.

ფეისბუქ კომენტარები
რადიო ჰერეთი