Hereti FM - ჩვენ ვსაუბრობთ თქვენს ენაზე

შარლ მიშელი პოლიტიკურ მხარეებს პარლამენტში შეხვდა

60

ევროსაბჭოს პრეზიდენტი შარლ მიშელი მმართველი პარტიისა და ოპოზიციის წარმომადგენლებს პარლამენტში შეხვდა

შეხვედრას საკანონმდებლო ორგანოში მხოლოდ ის პარტიები ესწრებოდნენ, რომლებმაც შარლ მიშელის დოკუმენტს მოაწერეს ხელი :”სტრატეგია აღმაშენებელი”, “ლელო”, “გირჩი” და “გირჩი-მეტი თავისუფლება”,” რესპულიკური პარტია”, “მოქალაქეები”, “ევროპელი სოციალისტები” და “ქართული ოცნება”. ასევე შეხვედრაზე იმყოფებოდნენ ინდივიდუალური ხელის მომწერები: დავით ბაქრაძე, სალომე სამადაშვილი, შალვა შავგულიძე და არმაზ ახვლედიანი.

შარლ მიშელი საქართველოში დღეს, 20 აპრილს ჩამოვიდა. ის უკვე შეხვდა საქართველოს პრეზიდენტსა და პრემიერ-მინისტრს.

დასავლელმა მედიატორებმა საქართველოს ხელისუფლებას და ოპოზიციას მოლაპარაკების მიღწევის მიზნით ახალი დოკუმენტი 18 აპრილს შესთავაზეს.

მასში, კრისტიან დანიელსონის წინადადებისგან განსხვავებით, ნახსენებია რიგგარეშე არჩევნების და პოლიტპატიმრების გათავისუფლების საკითხი.

  • ახალ წინადადებაში ნათქვამია, რომ შეთანხმების მიღწევიდან 1 კვირის ვადაში უნდა გადაიდგას ნაბიჯები 2 საქმეზე, რომლებიც პოლიტიკურად აღიქმება, ამნისტიით და/ან სხვა ნაბიჯებით, რომლებიც ანალოგიურ შედეგამდე მიგვიყვანს.
  • რომ ყველა შემდგომი საპარლამენტო არჩევნები უნდა ჩატარდეს სრულად პროპორციული წესით. მომდევნო 2 საპარლამენტო არჩევნებზე ბარიერი უნდა იყოს ბუნებრივი – 0%-დან 2%-მდე.
  • და რომ რიგგარეშე არჩევნები ჩატარდეს 2022 წელს იმ შემთხვევაში, თუ მმართველი პარტია, ქართული ოცნება 2021 წლის თვითმმართველობის არჩევნებში პროპორციული ხმების 43%-ზე ნაკლებს მიიღებს.

ისტორიული შეთანხმების შემდეგ საქართველოში შარლ მიშელს ელოდებიან

ნახეთ დეტალურად რა წერია შეთანხმების ახალ დოკუმენტში

ფეისბუქ კომენტარები
რადიო ჰერეთი