ჯემალ ჭკუასელი 86 წლის ასაკში გარდაიცვალა

საქართველოს სახალხო არტისტი ჯემალ ჭკუასელი 86 წლის ასაკში გარდაიცვალა.

ინფორმაცია კულტურის სამინისტრომ გაავრცელა.

“საქართველოს კულტურის, სპორტისა და ახალგაზრდობის სამინისტრო ღრმა მწუხარებას გამოთქვამს ცნობილი მომღერლის, საქართველოს სახალხო არტისტის ჯემალ ჭკუასელის გარდაცვალების გამო.

ჯემალ ჭკუასელი 1935 წლის 18 მაისს ცნობილი მომღერლის, შერმანდი ჭკუასელის ოჯახში დაიბადა. სწორედ მამამ აზიარა ჯემალ ჭკუასელი განუმეორებელი ქართული ფოლკლორის სიყვარულს. 1976 წლიდან ჯემალ ჭკუასელი საქართველოს ხალხური სიმღერისა და ცეკვის სახელმწიფო დამსახურებული ანსამბლის სოლისტ-მომღერალი იყო, ხოლო 1979 წელს ქუთაისის სიმღერისა და ცეკვის სახელმწიფო ანსამბლის სამხატვრო ხელმძღვანელად დაინიშნა. 1986 წლიდან იმდროინდელი კულტურის მინისტრის – ვალერი ასათიანის ბრძანებით ჯემალ ჭკუასელი საქართველოს ხალხური სიმღერისა და ცეკვის სახელმწიფო აკადემიური ანსამბლის სამხატვრო ხელმძღვანელად დაინიშნა, 2015 წლიდან კი იგი “ერისიონის” მთავარი დირიჟორია.

130 წლის განმავლობაში ანსამბლმა უამრავ წარმატებას მიაღწია და სხვადასხვა დროს მასში მოღვაწეობდნენ ქართული ფოლკლორის გამოჩენილი და ღვაწლმოსილი პროფესიონალები. მიუხედავად ამისა, თამამად შეიძლება ითქვას, რომ ჯემალ ჭკუასელისა და რევაზ ჭოხონელიძის ტანდემით დაიწყო „ერისიონის“ ოქროს ხანა.

საქართველოს კულტურის, სპორტისა და ახალგაზრდობის სამინისტრო უსამძიმრებს გარდაცვლილის ოჯახს, კოლეგებს და სრულიად საქართველოს.”

საქართველოს პრემიერ-მინისტრი ირაკლი ღარიბაშვილი ჯემალ ჭკუასელის გარდაცვალების გამო მწუხარებას გამოთქვამს.

პრემიერი აღნიშნავს, რომ ჯემალ ჭკუასელი მრავალი წლის განმავლობაში ერთგულად ემსახურა ქართული ხალხური სიმღერისა და ცეკვის აღორძინების, დაცვისა და განვითარების საქმეს. მისი თქმით, ჯემალ ჭკუასელის ხელმძღვანელობით, ანსამბლმა „ერისიონმა მსოფლიოს გააცნო უნიკალური ქართული კულტურა და აღიარება მოუტანა საქართველოს.

ჯემალ ჭკუასელი ოზურგეთში, 1935 წლის 18 მაისს დაიბადა.

1971-1973წწ. იყო გარდაბნის რაიონის მთავარი აგრონომი; 1976-1979წწ. საქართველოს ხალხური სიმღერისა და ცეკვის სახელმწიფო ანსამბლის მომღერალი; 1979-1986წწ. ქუთაისის სიმღერისა და ცეკვის სახელმწიფო ანსამბლის დირექტორი, სამხატვრო ხელმძღვანელი, მთავარი დირიჟორი; 1986-2015წწ. იყო სა­ქარ­თვე­ლოს ხალ­ხუ­რი სიმ­ღე­რი­სა და ცეკ­ვის სა­ხელ­მწი­ფო აკა­დე­მი­უ­რი ან­სამ­ბლის (1999 წლი­დან ეწო­და “ერი­სი­ო­ნი”) სამ­ხატ­ვრო ხელ­მძღვა­ნე­ლი და დი­რექ­ტო­რი; 2015 წლი­დან ან­სამ­ბლის მთა­ვა­რი დი­რი­ჟო­რ; 1997 წლი­დან არის ქარ­თუ­ლი ხალ­ხუ­რი სიმ­ღე­რი­სა და ცეკ­ვის აღორ­ძი­ნე­ბი­სა და დაც­ვის სა­ერ­თა­შო­რი­სო ფონ­დის დი­რექ­ტო­რი;2013 წლის 18 მა­ისს ალექ­სან­დრე წუ­წუ­ნა­ვას სა­ხე­ლო­ბის სა­ხელ­მწი­ფო დრა­მა­ტუ­ლი თე­ატ­რის წინ მისი სა­ხე­ლო­ბის ვარ­სკვლა­ვი გა­იხ­სნა; 2015 წლის 17 მა­ისს, ქარ­თუ­ლი ხე­ლოვ­ნე­ბის გან­ვი­თა­რე­ბა­ში შე­ტა­ნი­ლი გან­სა­კუთ­რე­ბუ­ლი წვლი­ლის­თვის, კულ­ტუ­რის სა­მი­ნის­ტროს უმაღ­ლე­სი ჯილ­დო — “ხე­ლოვ­ნე­ბის ქუ­რუ­მი” გა­და­ე­ცა.

2016 – თბილისის საპატიო მოქალაქე

1995 – ღირსების ორდენი

1990 – საქართველოს სახალხო არტისტი

1984 – ხელოვნების დამსახურებული მოღვაწე