ბრიტანეთში რეზინის იხვების რბოლა გაიმართა [Video]
![](https://heretifm.com/wp-content/uploads/2016/12/British-village-celebrates-Boxing-Day-with-annual-Duck-Race.jpg)
დიდი ბრიტანეთის მყუდრო სოფელ ბიბერში, რომელიც ლონდონიდან 135 კილომეტრის დაშორებით მდებარეობს, რეზინის იხვების რბოლა გაიმართა, – იუწყება პორტალი UPI.com.
ადგილობრივი მდინარის ნაპირზე ათასობით ადამიანმა თავი მოიყარა, რათა უცნაური სანახაობისთვის თვალი ედევნებინა.
შეჯიბრში მონაწილეობა მიიღო 2 ათასზე მეტმა ხელოვნურმა იხვმა. მაყურებელს ფსონის დადება შესთავაზეს, ხოლო შემოსული თანხა ქველმოქმედებას მოახმარეს.
აღსანიშნავია, რომ უჩვეულო შეჯიბრი ბიბერში ყოველწლიურად, შობის დღესასწაულის შემდეგ იმართება.