მნიშვნელოვანისაქართველოსიახლეები

ბათუმის ბულვარი შშმ პირებისვის ტივტივა ეტლებს შეისყიდის

ბათუმის ბულვარის ადმინისტრაციის განცხადებით, წლევანდელი ტურისტული სეზონისთვის ბათუმის ბულვარის სანაპირო ზოლი შშმ პირთათვის ადაპტირებული იქნება.

პროექტის ფარგლებში, პლაჟზე გადასასვლელი ხის ბილიკების, საშხაპეებისა და გამოსაცვლელის, ასევე, ადაპტირებული საპირფარეშოების მოწყობა იგეგმება.  ამასთან, ბათუმის ბულვარმა ტენდერი გამოაცხადა
ეტლით მოსარგებლე პირებისთვის ზღვაში შესასვლელი ტივტივა ეტლების შესყიდვაზე, რომლით სარგებლობაც, სპეციალური საჭიროების მქონე პირებს უფასოდ შეეძლებათ.

,,სსიპ ბათუმის ბულვარმა იზრუნა ასევე ეტლით მოსარგებლე პირებისთვის ზღვაში შესასვლელი ტივტივა ეტლების შესყიდვაზე. შესაბამისი ტენდერი გამოცხადებულია. წინადადებების მიღება 2019 წლის 29 აპრილს დაიწყება და პირველ მაისს დასრულდება. შესყიდვის სავარაუდო თანხა 41 525 ლარს შეადგენს. 
ტივტივა ეტლით სარგებლობა მომხმარებლებისთვის უფასო იქნება და შშმ პირებს ზღვაში დამოუკიდებლად შესვლის საშუალებას მისცემს. 
აღნიშნული პროექტი საქართველოში პირველად ხორციელდება და ინკლუზიური ტურიზმის განვითარებასა და ხელშეწყობას ემსახურება”, – ნათქვამია ბათუმის ბულვარის მიერ გავრცელებულ განცხადებაში.

ცვლილებები, ადაპტირებული ინფრასტრუქტურული პროექტის ფარგლებში დაიგეგმა.

მსგავსი პოსტები

Back to top button