მნიშვნელოვანისაქართველო

ფაშიზმზე გამარჯვებიდან 74 წელი გავიდა

მეორე მსოფლიო ომში ფაშიზმზე გამარჯვებიდან 74 წელი გავიდა. ტრადიციულად, ვაკის პარკში 9 მაისის აღსანიშნავად ომის ვეტერანები, პოლიტიკოსები და რიგითი მოქალაქეები იკრიბებიან. ისინი ყვავილებით ამკობენ უცნობი ჯარისკაცის საფლავს.

მეორე მსოფლიო ომის ვეტერანებს ფაშიზმზე გამარჯვების დღე მიულოცა საქართველოს პრემიერ მინისტრმა მამუკა ბახტაძემ და უცნობი ჯარისკაცის საფლავი ყვავილებით შეამკო.

„ფაშიზმზე გამარჯვების დღე კაცობრიობის ისტორიაში არის განსაკუთრებული დღე. მსურს, ყველას მივულოცო, განსაკუთრებით მეორე მსოფლიო ომის მონაწილეებს, ჩვენს სახელოვან ვეტერანებს. საქართველომ დიდი მსხვერპლი გაიღო ამ ომში, ასიათასობით ქართველი გმირულად დაეცა ბრძოლის ველზე. მინდა, ქედი მოვიხარო მათ ხსოვნის წინაშე. მსურს, მივულოცო ომის ვეტერანებს დღევანდელი დღე, ვუსურვო ჯანმრთელობა და ყველაფერი საუკეთესო “, – განაცხადა პრემიერმა.

ვაკის პარკში მივიდნენ თბილისის მერი კახა კალაძე და მთავრობის წევრები.

ფაშიზმზე გამარჯვების 74-ე წლისთავისადმი მიძღვნილი ღონისძიების ფარგლებში, 600 ლარის ოდენობით ერთჯერადად ფულად დახმარება გაიცემა საქართველოს რეგიონებში რეგისტრირებულ მეორე მსოფლიო ომის 300 ვეტერანისთვის, ხოლო ომში დაღუპულთა ოჯახის 209 წევრისთვის- 300 ლარს. 

1945 წლის 8 მაისს, გერმანიის მიერ კაპიტულაციის გამოცხადების შემდეგ, მეორე მსოფლიო ომი დასრულდა, 9 მაისი კი, ფაშიზმზე გამარჯვების დღედ გამოცხადდა. მეორე მსოფლიო ომის დროს საქართველომ 300 000-მდე ჯარისკაცი დაკარგა.

მსგავსი პოსტები

Back to top button