უკრაინულმა ძალებმა 37 300-მდე რუსი ჯარისკაცი გაანადგურეს

უკრაინის შეიარაღებული ძალების გენერალური შტაბის ინფორმაციით, უკრაინულმა ძალებმა 37 300-მდე რუსი ჯარისკაცი გაანადგურეს. მონაცემები მოიცავს 24 თებერვლიდან 10 ივლისამდე პერიოდს.

ამასთან, უკრაინელი სამხედროების მიერ, რუსული ძალების სხვადასხვა სახის ტექნიკაც განადგურდა.

“უკრაინელმა დამცველებმა გაანადგურეს:

📌1641 მტრის ტანკი

📌3823 ჯავშანტექნიკა

📌834 საარტილერო სისტემა

📌247 ზალპური სარაკეტო სისტემა

📌108 საჰაერო თავდაცვის სისტემა

📌217 თვითმფრინავი

📌188 ვერტმფრენი

📌676 ოპერატიულ-ტაქტიკური დონის უპილოტო საფრენი აპარატი

📌155 ფრთოსანი რაკეტა,

📌15 გემი/ნავი

📌2694 სატრანსპორტო საშუალება და საწვავის ავზი

📌66 ერთეული სპეცტექნიკა”, – ნათქვამია უწყების მიერ გავრცელებულ ინფორმაციაში.

ამასთან კანადის საგარეო საქმეთა მინისტრმა მელანი ჯოლიმ განაცხადა, რომ ქვეყანა რუსეთის უკრაინაში უკანონოდ შეჭრის საპასუხოდ, მორიგი სანქციების დაწესებას აპირებს.

­აღნიშნულის შესახებ ინფორმაცია უკრაინულ მედიაში ვრცელდება.

“ახალი სანქციები სახმელეთო და მილსადენებით ტრანსპორტირებაზე, ლითონებისა და ტრანსპორტის, კომპიუტერული, ელექტრონული და ელექტრო მოწყობილობების, აგრეთვე მანქანების წარმოებაზე გავრცელდება”, – ნათქვამია განცხადებაში.

მედიის ცნობით, კანადის მიერ, რუსეთის წინააღმდეგ დაწესებული შეზღუდვები ასევე მოიცავს ნავთობის, ბუნებრივი აირისა და ქიმიურ სექტორებს.