ბაქო-თბილისი-ყარსის სარკინიგზო მაგისტრალი გაიხსნა [ფოტო]

F0E4C97E-4108-43B3-AF6B-99A0CED939B9_w1597_n_r1_sბაქო-თბილისი-ყარსის სარკინიგზო მაგისტრალი ოფიციალურად გაიხსნა. აზერბაიჯანის ტრანსპორტის სამინისტროს განცხადებით, რკინიგზა რეგიონში ერთ-ერთი უმსხვილესი სატრანსპორტო ხაზია, რომელიც ხელს შეუწყობს აზიის და ევროპის ბაზრებზე გასვლას.

სამი ქვეყნის ტერიტორიაზე გამავალი რკინიგზით ყოველწლიურად შესაძლებელი იქნება 17 მილიონი ტონა ტვირთის გადაზიდვა და მილიონამდე მგზავრის გადაყვანა. რკინიგზის საქართველოს მონაკვეთს აშენებდა კომპანია “მარაბდა-კარწახის რკინიგზა.

“მისი ინფორმაციით, ხაზის საქართველოს მონაკვეთი მოიცავს 22 ხიდს, 13 სადგურს, 24 გზაგამტარს და 4 თოვლდამცავ გალერეას. რკინიგზის საქართველოს მონაკვეთზე პირველმა სატესტო მატარებელმა 2015 წლის იანვარში გაიარა.

აზერბაიჯანის, საქართველოსა და თურქეთის სარკინიგზო ხაზების გამაერთიანებელი სატრანსპორტო დერეფნის პროექტის განხორციელება 2007 წელს დაიწყო, მშენებლობა კი 2008 წლიდან.

დღეს საქართველოს პრემიერ-მინისტრმა გიორგი კვირიკაშვილმა, აზერბაიჯანის პრეზიდენტმა ილჰამ ალიევმა, თურქეთის პრეზიდენტმა რეჯეფ ტაიპ ერდოღანმა, ყაზახეთის პრემიერ-მინისტრმა ბაკიტჟან საგინტაევმა და უზბეკეთის პრემიერ-მინისტრმა აბდულა არიპოვმა ლიანდაგში სიმბოლურად ლურსმნები ჩააჭედეს, ისრები გადაიყვანეს და მემორიალური დაფა გახსნეს.

ხუთი ქვეყნის ლიდერებმა ერთობლივი სამახსოვრო ფოტო გადაიღეს, ასევე – იმგზავრეს პირველი მატარებლით, რომელმაც ახლად გახსნილ სარკინიგზო მაგისტრალზე გაიარა.

[print_gllr id=65343]

მსგავსი პოსტები

Back to top button