მსოფლიოსიახლეები

პრემიერ-მინისტრი კლინიკაში და დედოფლის განცხადება

დიდი ბრიტანეთის პრემიერ-მინისტრი, ბორის ჯონსონი კლინიკაში გადაიყვანეს. აღნიშნულ ინფორმაციას BBC ავრცელებს.

პრემიერის პრესსპიკერის განცხადებით, 10 დღე გავიდა, რაც ჯონსონს კორონავირუსი დაუდასტურდა, თუმცა ინფექციის სიმტომები კვლავ აღენიშნება. ბორის ჯონსონს ტესტს ჩაუტარებენ.

დიდი ბრიტანეთის პრემიერ-მინისტრ ბორის ჯონსონს ჰოსპიტალში გამოკვლევები ჩაუტარდება. პრემიერის ადმინისტრაციის ცნობით, ჯონსონს უნარჩუნდება ვირუსისთვის დამახასიათებელი მუდმივი სიმპტომები, მათ შორის, მაღალი ტემპერატურა. მათივე ინფორმაციით, ეს ფასდება, როგორც გამაფრთხილებელი ნაბიჯი, რომელიც გათვალისწინებულია ექიმის მიერ.

ბორის ჯონსონი კვლავაც პასუხისმგებელია მთავრობის მუშაობაზე და მოუწოდებს ადამიანებს, გაითვალისწინონ მისი რჩევა სოციალური დისტანციის თაობაზე.

დღესვე, 68-წლიანი დედოფლობის მანძილზე მეხუთედ, ქვეყანას საგანგებოდ მიმართა ელისაბედ მეორემ.

“ჩვენ წარმატებას მივაღწევთ და ეს წარმატება თითოეული ჩვენგანის კუთვნილება იქნება, კარგი დღეები დაბრუნდება, ჩვენ კვლავ ვიქნებით ჩვენს მეგობრებთან, ჩვენს ოჯახებთან ერთად, ჩვენ კვლავ შევხვდებით”- განაცხადა 93 წლის მონარქმა.

დედოფალმა მადლობა გადაუხადა სამედიცინო სფეროს ყველა თანამშრომელს და განაცხადა, რომ მათი მუშაობის ყოველი საათი ნორმალურ რეჟიმთან აახლოვებს ქვეყანას. მისივე თქმით, მიუხედავად იმისა, რომ სოციალური დისტანცირება მტკვივნეულია, ყველაზე სწორი საქციელი შინ დარჩენაა.

„ჩვენ ამ დაავადებას ერთად ვებრძვით და მინდა დაგარწმუნოთ, რომ თუკი ერთიანი და უდრეკი ვიქნებით, ჩვენ ამას გადავლახავთ,“- დასძინა მან.

მსგავსი პოსტები

Back to top button