ამერიკის საელჩო სახალხო დამცველის ოფისზე პოლიტიზირებული თავდასხმის გამო შეშფოთებას გამოთქვამს
სახალხო დამცველს აშშ-ის ელჩი საქართველოში კელი დეგნანი შეხვდა. საქართველოში ამერიკის საელჩო სახალხო დამცველის ოფისზე პოლიტიზირებული თავდასხმის გამო შეშფოთებას გამოთქვამს და მოუწოდებს პარლამენტს, კონსტრუქციულად ჩაერთოს სახალხო დამცველის ოფისის საქმიანობაში.
აშშ-ის დიპლომატიური წარმომადგენლობის განცხადებით, სახალხო დამცველის ოფისი საქართველოში ადამიანის უფლებათა დაცვისა და დემოკრატიული განვითარებისთვის სასიცოცხლოდ მნიშვნელოვანი, დამოუკიდებელი ინსტიტუტია:
„ჩვენ შეშფოთებული ვართ სახალხო დამცველის ოფისზე პოლიტიზირებული თავდასხმებით, რაც აზიანებს ამ მნიშვნელოვან ინსტიტუტს და ძირს უთხრის მის ეფექტურობას“-წერია საელჩოს განცხადებაში
ნინო ლომჯარიას ელჩი, კელი დეგნანი 22 მარტს შეხვდა. როგორც საქართველოს სახალხო დამცველის აპარატის მიერ გავრცელებულ განცხადებაშია ნათქვამი, შეხვედრაზე ადამიანის უფლებების დაცვის მხრივ, ქვეყანაში შექმნილი ვითარება განიხილეს.
