რეგიონი
მაშველებმა 6 დღიანი ძებნის შედეგად მდინარე ნაკრაში მესამე ცხედარიც იპოვეს
მაშველებმა, 6 დღიანი უწყვეტი ძებნა-შველის ღონისძიებების შედეგად, მდინარე ნაკრაში გაუჩინარებული მესამე ცხედარიც იპოვეს.
მაშველებმა მე-12 კლასის მოსწავლის, საბა გვარმიანის ცხედარს მდინარე ენგურში მიაგნეს. ამ წუთებში ისინი მის ამოყვანას ცდილობენ.
ძებნა-შველის ღონისძიებებში საგანგებო სიტუაციების მართვის სააგენტოს თანამშრომლებთან ერთად ჩართული არიან ადგილობრივებიც.
ცნობისთვის, 2 მაისს მესტიის სოფელ ნაკრაში ავტოსაგზაო შემთხვევის შედეგად, სამი ახალგაზრდა მდინარეში ავტომანქანით გადავარდა. სამივე ახალგაზრდა სკოლის მოსწავლე იყო.
