აფხაზეთი პრაქტიკულად არცერთ რუკაზე არ არის გარდა რუსულისა და ჩვენი რუსი მეგობრები გვეხმარებიან გავუმკლავდეთ ამ უსამართლობას
ოკუპირებული აფხაზეთის ე.წ. საგარეო მინისტრი ინალ არძინბა აცხადებს, “აფხაზეთი პრაქტიკულად არცერთ რუკაზე არ არის, გარდა რუსულისა”.
ამასთან, არძინბამ მიხეილ სააკაშვილზეც ისაუბრა და აღნიშნა, რომ მას აფხაზეთში რევანში სურს.
“ჩვენ ვართ რუსულ რუკაზე. ჩვენ არ ვართ ამერიკულ და ევროპულ რუკაზე, ჩვენ არ ვართ თურქულ რუკაზე. ჩვენ პრაქტიკულად არც ერთ რუკაზე არ ვართ, რუსულის გარდა. ეს ძალიან მნიშვნელოვანია. დღეს ჩვენი რუსი მეგობრები გვეხმარებიან გავუმკლავდეთ ამ უსამართლობას…
ჩვენ მოვახერხეთ ჩამოვაყალიბოთ ძალიან სერიოზული სახელშეკრულებო და სამართლებრივი ჩარჩოს ჩამოყალიბება. 2 ხელშეკრულებას ხელი 2008 და 2014 წლებში მოეწერა. ეს არის 2 ყველაზე მნიშვნელოვანი შეთანხმება, რომელიც განსაზღვრავს ჩვენს ურთიერთობას რუსეთის ფედერაციასთან…
საგანგაშო სიგნალია, რომ ამ დრომდე არ არის ხელმოწერილი შეთანხმება ძალის გამოუყენებლობის შესახებ აფხაზეთსა და საქართველოს შორის. საგანგაშო სიგნალია, რომ ქართული რადიკალური დაჯგუფებები უკრაინის ტერიტორიაზე იბრძვიან ფაშიზმისა და ნეონაციზმის მხარეს. და ჩვენ ძალიან კარგად ვიცით, რომ ისეთი ადამიანები, როგორც ბატონი სააკაშვილი, ელოდებიან მათ დაბრუნებას საქართველოში, იმისთვის რომ ისევ დაბრუნდნენ ხელისუფლებაში. პირველი, რასაც გეგმავენ – ეს უტყუარი ინფორმაციაა – პროვოკაციაა საზღვარზე; და ამერიკელების დავალებაა – შეიარაღებული კონფლიქტის გაღვივებაა. და ბატონ სააკაშვილს, გამოთაყვანებულს – ბოდიში ამ სიტყვისთვის, რევანში სურს. თუმცა რა თქმა უნდა არანაირი რევანში არ იქნება. ჩვენი მთავარი ამოცანაა, მოვაგროვოთ ყველა საჭირო ოპერატიული ინფორმაცია და ჩვენ ამას ვაკეთებთ”, – თქვა ინალ არძინბამ.
ამასთან საქართველოს საზღვარზე ვითარება შედარებით მშვიდი და სტაბილურია, თუმცა არის საგანგაშო სიგნალები, – „სპუტნიკის“ ინფორმაციით, ამის შესახებ ოკუპირებული აფხაზეთის ე.წ. საგარეო საქმეთა მინისტრმა ინალ არძინბამ განაცხადა.
„ჩვენ ვხედავთ, რომ საქართველოს შეიარაღებული ძალების მოდერნიზაციის ხარჯები არის არსებითი. ეს არის საგანგაშო სიგნალი ჩვენთვის. საგანგაშო სიგნალია იმისა, რომ შეთანხმება აფხაზეთსა და საქართველოს შორის ძალების გამოუყენებლობის შესახებ ჯერ არ გაფორმებულა. საგანგაშო სიგნალია. რომ ქართული რადიკალური შენაერთები უკრაინის ტერიტორიაზე ფაშიზმისა და ნეონაციზმის გვერდით იბრძვიან“, – განაცხადა არძინბამ.
მან აღნიშნა, რომ მიხეილ სააკაშვილის მსგავსი ადამიანები ელიან ამ შენაერთების საქართველოში დაბრუნებას, რათა დაიბრუნონ ძალაუფლება და ამერიკელების დავალებით, მოაწყონ პროვოკაციები საზღვარზე და გააჩაღონ შეიარაღებული კონფლიქტი.
„ბატონ სააკაშვილს, ამ სულელს, მაპატიეთ გამოთქმისთვის, შურისძიება უნდა, მაგრამ, რა თქმა უნდა, შურისძიება არ იქნება. დღეს ჩვენი მთავარი ამოცანაა, შევაგროვოთ ყველა საჭირო ოპერატიული ინფორმაცია, ჩვენ ამას ვაკეთებთ. გამოვიტანოთ სერიოზული დასკვნები და დროულად მივიღოთ სერიოზული გადაწყვეტილებები“, – დასძინა მან.
