რეგიონი
”ჩვენ ვგმობთ ძალადობას და ვემიჯნებით რუსულ პროპაგანდას საქართველოში”
მარტვილის მუნიციპალიტეტში ” კონსერვატიული მოძრაობის” ოფისის გახსნა გააპროტესტეს.
ადგილზე შეიკრიბნენ სამოქალაქო აქტივისტები და მოქალაქეების ნაწილი.
“ჩვენი აქ ყოფნა დაიგეგმა სპონტანურად, მოქალაქეები გულისტკივილით გამოვიდნენ, ალტ-ინფოსა და კონსერვატიული პარტიის ოფისის გახსნასთან დაკავშირებით. ჩვენ ვგმობთ ძალადობას და ვემიჯნებით რუსულ პროპაგანდას საქართველოში”,- თქვა აქციის ერთ-ერთმა ორგანიზატორმა მარიამ კიკალიშვილმა.
აქციის ერთ-ერთმა მონაწილემ ლია გულორდავამ “კონსერვტიული მოძრაობის” ოფისზე სიმბოლურად უკრაინის მხარდამჭერი სტიკერი მიაკრა.
აქციის ბოლოს საქართველოს ჰიმნიც გაჟღერდა.