ბოლო 24 საათის განმავლობაში აზერბაიჯანში კორონავირუსი 118 ადამიანს დაუდასტურდა, გარდაიცვალა ერთი ადამიანი.
ინფორმაციას Worldometers.info ავრცელებს.
ქვეყანაში კორონავირუსის დადასტურებული შემთხვევების რაოდენობა 3 749-მდე გაიზარდა. დაიღუპა 44 ადამიანი, გამოჯანმრთელდა 2 340 პაციენტი.
აზერბაიჯანში 4 მაისიდან, კორონავირუსის გავრცელების გამო დაწესებული შეზღუდვების შერბილება დაიწყო. ქვეყანაში კარანტინის რეჟიმი 31 მაისამდე გახანგრძლივდა.
ამ დროისთვის, მსოფლიოში კორონავირუსით ინფიცირებულთა რაოდენობა 5 127 431-ს აღწევს. მათგან, გარდაიცვალა 330 946 ადამიანი, გამოჯანმრთელდა 2 044 153 პაციენტი.
