დავით უსუფაშვილმა რესპუბლიკური პარტია დატოვა
დავით უსუფაშვილმა “რესპუბლიკური პარტია” დატოვა – ამის შესახებ უსუფაშვილმა პარლამენტში გამართულ ბრიფინგზე განაცხადა.
ამბობს, რომ გადაწყვეტილება ადამიანურად მტკივნეული, თუმცა პოლიტიკურად აუცილებელია.
“ვაგრძელებ პოლიტიკურ საქმიანობას ოპოზიციურ ველზე, თუმცა ეს იქნება ცოტა სხვა ტიპის საქმიანობა”, – განაცხადა დავით უსუფაშვილმა.
უსუფაშვილი საქართველოს “რესპუბლიკური პარტიის” თავმჯდომარე იყო 2005-2013 წლებში.
ის საქართველოს პარლამენტის თავმჯდომარის თანამდებობას 2012 წლის ოქტომბრიდან იკავებს.
