მნიშვნელოვანიპოლიტიკასაქართველოსიახლეები

მელია და კობახიძე ერთმანეთს დაუპირისპირდნენ

“ნაციონალური მოძრაობის” თავმჯდომარე ნიკა მელიასა და “ქართული ოცნების” თავმჯდომარე ირაკლი კობახიძეს შორის თბილისში ევროკავშირის წარმომადგენლობის ოფისთან დაპირისპირება მოხდა.

კობახიძე ოფისის წინ ჟურნალისტების კითხვებს სცემდა პასუხს, რა დროსაც მასთან მელია მივიდა:

“შენ მართლა გჯერა, რომ დმანისში ჩვენ დავჭერით საკუთარი აქტივისტი”.
ევროკავშირის წარმომადგენლობის ოფისში ელჩები სხვადასხვა პოლიტიკურ პარტიებს ხვდებიან. როგორც კობახიძე ამბობს, შეხვედრა მხოლოდ არჩევნებს ეხებოდა. ოფისთან მისული იყო ნიკა მელიაც, რადგან ევროკავშირის წევრი ქვეყნების ელჩებს ისიც უნდა შეხვდეს.

როცა მელია კობახიძესთან კითხვის მივიდა და პასუხის გაცემა მოსთხოვა, კობახიძემ ის პროვოკაციის მოწყობაში დაადანაშაულა. მათ ერთმანეთს სიტყვიერი შეურაცხყოფა მიაყენეს და აგინეს. მელიამ POSTV-ის მიკროფონი აიღო და კობახიძეს მიმართა “გესროლო?”.
პოლიტიკოსების გაშველებას ადგილზე მყოფი ხალხი ცდილობდა. კობახიძეს ტერიტორია დაცვამ დაატოვებინა.

მანქანაში ჩაჯდომისას კობახიძემ მელიას “პროვოკატორი, ხულიგანი და უინტელექტო” უწოდა.
დაპირისიპირებამდე, კობახიძე ჟურნალისტებთან სხვადასხვა საკითხზე საუბრობდა, მათ შორის დმანისის ინციდენტზე. მან თავდასხმას “სამწუხარო ინციდენტი” უწოდა და აღნიშნა, რომ სხვა რეგიონებში პროვოკაციის აცილება თავიდან შესაძლებელი გახდა.

21 სექტემბერს, ორი ადამიანი დაიჭრა და კიდევ რამდენიმე დაშავდა დმანისის მუნიციპალიტეტის სოფელ განთიადში, გაერთიანებული ოპოზიციიდან მერობის კანდიდატის, დმანისის მუნიციპალიტეტის მოქმედი მერის გიორგი ტატუაშვილის წინასაარჩევნო შეხვედრის დროს მომხდარი ფიზიკური დაპირისპირებისას. ამ ბრალდებით, საქართველოს სისხლის სამართლის კოდექსის 117-ე მუხლით და და 126-ე მუხლის პირველი პრიმა ნაწილის “ბ” ქვეპუნქტით, დაკავებულია ამავე სოფელში “ქართული ოცნების” კანდიდატის შვილი.

დანაშაული 3-დან 6 წლამდე ვადით თავისუფლების აღკვეთას ითვალისწინებს.

მსგავსი პოსტები

Back to top button