მნიშვნელოვანირეგიონი
ძლიერმა სეტყვამ ლაგოდეხის ყვარლისა და საგარეჯოს სოფლები დააზიანა-დასეტყვილია ერთწლოვანი კულტურები და ხეხილის ბაღები
![](https://heretifm.com/wp-content/uploads/2020/06/setyva-1.jpg)
ძლიერმა სეტყვამ ლაგოდეხის, ყვარლის, საგარეჯოსა და გურჯაანის მუნიციპალიტეტები დააზარალა.
ოთხი მუნიციპალიტეტის ათამდე სოფელში დასეტყვილია ერთწლოვანი კულტურები და ხეხილის ბაღები.
ადგილობრივების ინფორმაციით, სეტყვისგან მიყენებულ ზიანის დადგენა ღამის განმავლობაში შეუძლებელია.
” ასე თხუთმეტ წუთს მაინც ყრიდა მსხვილ მარცვლებს, თითქოს ყველაფერი ინგრეოდა. ხეხილი სულ განადგურებული იქნება, ახლა ღამეა და არ ჩანს. ხვალ ვნახავთ, რა ზიანი მოგვაყენა”- თქვა ერთ-ერთმა მოქალაქემ.
მოსახელობასთან მუშაობენ სოფლებში მუნიციპალიტეტების მერების წარმომადგენლები, რომლებიც სტიქიით მიყენებული ზიანის დადგენას, მოსახლეობასთან ერთად, დილიდან დაიწყებენ.