,,ეუთო/ოდირის ჩამოსვლის მოთხოვნა თვალთმაქცობაა,,-ვოლსკი

ზოგადად, ადგილობრივ არჩევნებში ეუთო\ოდირის დაკვირვების მისია გათვალისწინებული არ არის – ამის პრაქტიკა მსოფლიოში არ არის, – ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან საუბრისას განაცხადა, რითაც გამოეხმაურა საქართველოში ბრიტანეთის საელჩოს განცხადებას, სადაც საელჩო ხელისუფლებას ადგილობრივი თვითმმართველობის არჩევნების დასაკვირვებლად ეუთო/ოდირის მისიის მოწვევისკენ მოუწოდებს.

მისი თქმით, ეუთო/ოდირის ჩამოსვლის მოთხოვნა თვალთმაქცობაა.

„ზოგადად, ადგილობრივ არჩევნებში ეუთო/ოდირის დაკვირვების მისია გათვალისწინებული არ არის. ამის პრაქტიკა მსოფლიოში არ არის, მაგრამ ამავე დროს [ოპოზიციის მხრიდან] ეუთო/ოდირის ჩამოსვლის მოთხოვნა არის გარკვეული ფანდი იმისთვის, რომ თავისივე უარყოფილი ორგანიზაცია, რომელთა ხელმძღვანელებზე ზეწოლა მოახდინეს, პოლიტიკურად დაამცირეს და სერიოზულად გაილაშქრეს მის წინააღმდეგ მას მერე, რაც მათ საქართველოსთან მიმართებაში 2024 წლის ოქტომბერში პოზიტიური გადაწყვეტილება დადეს. ახლა მათ ჩამოსვლას ითხოვენ, რაც თვალთმაქცობაა. არჩევნებზე დამკვირვებლების რაოდენობაც იქნება და კომისიაში ყველა ოპოზიციას ეყოლება თავისი წარმომადგენელი. გვახსოვდეს, რომ მსოფლიოში ბევრი ქვეყანა არაა, რომელსაც ელექტრონული არჩევნების სისტემა აქვს. ასე რომ, დარწმუნებული ვართ, რომ არჩევნები მაღალ დონეზე, ევროპული სტანდარტით ჩაივლის და შედეგიც იქნება”, – განაცხადა ვოლსკიმ.

ცნობისთვის, ბრიტანეთის საელჩო საქართველოში, საქართველოს მთავრობას მოუწოდებს, ადგილობრივი თვითმმართველობის არჩევნების დასაკვირვებლად, ეუთო/ოდირის მისია მოიწვიოს და ასევე, გაითვალისწინოს 2024 წლის საპარლამენტო არჩევნებთან დაკავშირებით ოდირის საბოლოო ანგარიშში გაცემული ყველა რეკომენდაცია. ამის შესახებ ბრიტანეთის საელჩოს განცხადებაშია ნათქვამი.

ამასთან, როგორც განცხადებაშია აღნიშნული, საქართველოს კანონმდებლობა ითვალისწინებს სადამკვირვებლო ორგანიზაციების მიერ მონიტორინგს, რაც პროფესიონალური და გამჭვირვალე საარჩევნო ზედამხედველობის მნიშვნელოვანი ნაწილია.

ქართული ოცნება არ აპირებს, თვითმმართველობის არჩევნებისთვის ეუთო/ოდირის “დატვირთვას”

თვითმმართველობის არჩევნებზე ხდებოდეს ეუთო/ოდირის მოწვევა, მსოფლიოში მსგავსი პრაქტიკა არაა, იშვიათი გამონაკლისების გარდა, რომელიც ჩვენც გვქონდა 2021 წელს. დღეს ამის აუცილებლობა არაა – ამის შესახებ თბილისის მერმა, კახა კალაძემ ჟურნალისტებს განუცხადა, რითაც გამოეხმაურა საქართველოში ბრიტანეთის საელჩოს განცხადებას, სადაც საელჩო ხელისუფლებას ადგილობრივი თვითმმართველობის არჩევნების დასაკვირვებლად ეუთო/ოდირის მისიის მოწვევისკენ მოუწოდებს.

როგორც კალაძემ აღნიშნა, „ეუთო/ოდირის დასკვნები ფეხქვეშ იქნა გათელილი“.

„საპარლამენტო არჩევნებს აკვირდებოდა ეუთო/ოდირი. მათ წარმოადგინეს შესაბამისი დასკვნა. გვახსოვს მთელი თვეების განმავლობაში მიმდინარეობდა მიზანმიმართული კამპანია აღნიშნულ დასკვნასთან დაკავშირებით. საერთაშორისო პრაქტიკებსაც თუ გადავხედავთ, ადგილობრივი თვითმმართველობის არჩევნებში არასდროს არსად არ ხდება ეუთო/ოდირის მოწვევა, თუ არ ჩავთვლით გამონაკლის შემთხვევებს. ვიმეორებ, თვითმმართველობის არჩევნებზე ხდებოდეს ეუთო/ოდირის მოწვევა, მსოფლიოში მსგავსი პრაქტიკა არაა, იშვიათი გამონაკლისების გარდა, რომელიც ჩვენც გვქონდა 2021 წელს. დღეს ამის აუცილებლობა არაა, მით უმეტეს, იმ ფონზე, როცა აღნიშნული ორგანიზაციების დასკვნები ფეხქვეშ იქნა გათელილი“,- განაცხადა კალაძემ.

ამასთან, მან ადგილობრივი თვითმმართველობის არჩევნებში ოპოზიციის მონაწილეობასთან დაკავშირებითაც ისაუბრა და აღნიშნა, რომ ოპოზიცია იმ გადაწყვეტილებას მიიღებს, რასაც დაავალებენ.

„საერთოდ არ არის საინტერესო, რას გადაწყვეტს რადიკალური დაჯგუფება. რასაც დაავალებენ, იმას გააკეთებს. სულ რამდენიმე თვის წინ გახსოვთ მათი განცხადებები, პოზიციები. პირდაპირ ამბობდნენ, რომ არცერთი არ აპირებდა არჩევნებში მონაწილეობის მიღებას. დღეს უკვე პოზიციები შეცვლილია. რასაც ეტყვიან, იმას გააკეთებენ“,- განაცხადა კახა კალაძემ.

ცნობისთვის, ბრიტანეთის საელჩო საქართველოში, საქართველოს მთავრობას მოუწოდებს, ადგილობრივი თვითმმართველობის არჩევნების დასაკვირვებლად, ეუთო/ოდირის მისია მოიწვიოს და ასევე, გაითვალისწინოს 2024 წლის საპარლამენტო არჩევნებთან დაკავშირებით ოდირის საბოლოო ანგარიშში გაცემული ყველა რეკომენდაცია. ამის შესახებ ბრიტანეთის საელჩოს განცხადებაშია ნათქვამი.

ამასთან, როგორც განცხადებაშია აღნიშნული, საქართველოს კანონმდებლობა ითვალისწინებს სადამკვირვებლო ორგანიზაციების მიერ მონიტორინგს, რაც პროფესიონალური და გამჭვირვალე საარჩევნო ზედამხედველობის მნიშვნელოვანი ნაწილია.

ეუთო/ოდირის ინტერესის საგანს ადგილობრივი არჩევნებიც წარმოადგენს-ISFED-ის განცხადება