მსოფლიოსიახლეები

FDA-მ COVID-19-ის ანტიგენურ ტესტს მწვანე შუქი მისცა

აშშ-ის საკვებისა და პრეპარატების ადმინისტრაციამ (FDA) მწვანე შუქი მისცა კორონავირუსის ტესტის ახალ — ანტიგენურ ტესტს, რომელიც სან დიეგოში ბაზირებულმა Quidel Corporation-მა შეიმუშავა, იუწყება CBS News.

CBS-ის ცნობით, ტრამპის ადმინისტრაციაში იმედოვნებენ, რომ ამ ტესტის საშუალებით, ქვეყნის „გახსნა“ იქნება შესაძლებელი.

FDA-ში აცხადებენ, რომ ასეთ ტესტს შეუძლია სწრაფად დაადგინოს ვირუსის ცილების ფრაგმენტები პაციენტის ნაზალურ სივრცეში შესული ცხვირსახოციდან.

მაუწყებლის ცნობით, FDA-მ სულ სამი ტიპის ტესტირების გამოყენებაზე გასცა უფლება და ანტიგენური ტესტირება ახალია.

როგორც CBS წერს, ამჟამად, COVID-19-ის აქტიური შემთხვევის დიაგნოსტიკის ერთადერთი გზა ნაზალური სივრციდან აღებული ნაცხის ტესტირებაა. ასეთი ტესტები, მართალია, საკმაოდ ზუსტ შედეგს იძლევა, მაგრამ შედეგის დადგენას რამდენიმე საათი და სპეციალური აღჭურვილობა სჭირდება, რომელიც დიდწილად, მხოლოდ ლაბორატორიაში, საავადმყოფოში ან უნივერსიტეტებში აქვთ.

ტესტის მეორე ტიპი, რომელიც სისხლში ვირუსის წინააღმდეგ გამომუშავებულ ანტისხეულებს პოულობს, ეხმარება მკვლევარებს, დაადგინონ ვირუსის გავრცელების მასშტაბები, თუმცა აქტიური შემთხვევების გამოვლენა მათი საშუალებით ვერ ხერხდება.

ანტიგენური ტესტები, თავის მხრივ, აქტიურ ინფექციას ადგენენ ვირუსის ტოქსიკური კვალის და არა მისი გენეტიკური კვალის პოვნით.

FDA განცხადებაში აღნიშნავს, რომ მომავალში უფრო მეტ ანტიგენურ ტესტზე ნებართვის გაცემას ელის.

Quidel Corporation-ში კი აცხადებენ, რომ მათი ტესტი ზუსტ შედეგს 15 წუთში იძლევა. „FDA-ს ავტორიზაცია გვაძლევს საშუალება, დავრაზმოთ ჩვენი ჯანდაცვის მუშაკები COVID-19-ის დიაგნოსტიკის საშუალებით, რაც დააჩქარებს დიაგნოსტიკის დროს და პოტენციურ მკურნალობას“. — ამბობს კომპანიის CEO დაგლას ბრაიანტი.

მსგავსი პოსტები

Back to top button